ఈదుతుంటే.. సముద్రం నీటిని శుద్ధి చేసే 3డి బికినీ

న్యూయార్క్: కాలిఫోర్నియా వర్సిటీ ఇంజినీర్లు కొత్త రకం బ్రా కనిపెట్టారు. తద్వారా టెక్నాలజీ ష్యాషన్ రంగాన్ని కూడా కొత్త పుంతలు తొక్కిస్తోందని మరోసారి రుజువు చేశారు. సముద్ర కలుషిత జలాలను శుద్ధి చేసే 3డి బికినీని అభివృద్ధి చేశారు.

కలుషిత జలాలను శుద్ధి చేసే విధంగా అమెరికాలోని కాలిఫోర్నియా యూనివర్సిటీకి చెందిన ఇంజినీర్లు స్పాంజ్‌సూట్ అనే 3డీ బికినిని రూపొందించారు. చక్కెర రూపంలో ఉండే సూక్రోజును వేడి చేసి దాంతో వచ్చిన పదార్థంతో చేసిన స్పాంజ్‌ను 3డీ ప్రింటెడ్ బికినీని రూపొందించినట్లు పరిశోధకులు తెలిపారు.

మురుగు, చమురుతో కలిసి ఉన్న సముద్ర నీటిని శుద్ధి చేస్తుందని పరిశోధకులు పేర్కొన్నారు. సముద్ర బీచ్‌ల్లో విహారం చేసే సందర్శకులకు ఈ బికినీ ఉపశమనం కలిగిస్తుందని వర్సిటీ ఇంజినీరింగ్ విభాగం ప్రొఫెసర్ మిహ్రీ ఓజ్కాన్ తెలిపారు.

చమురు, రసాయన వ్యర్థ్యాలు, లవణపూరితమైన నీటిని శుద్ధి చేసే అప్లికేషన్లను గత నాలుగేళ్లుగా అభివృద్ధి చేస్తున్నామని వర్సిటీ పీహెచ్‌డీ పరిశోధకుడు డైసీ పాటినో తెలిపారు.

నీటిని వికర్షించే స్వభావమున్న మెటీరియల్‌ను సాధారణంగా విమానాలు, శాటిలైట్లు, మానవ రహిత అంతరిక్ష వాహనాల్లో ఉపయోగిస్తారని, అలాంటి మెటీరియల్‌ను ఫ్యాషన్ టెక్నాలజీలో ఉపయోగించేందుకు న్యూయార్క్, ఇస్తాంబుల్ నగరాలకు చెందిన కంపెనీలు ముందుకొచ్చాయన్నారు.

బికినీ బరువు కంటే ఇరవై అయిదు రెట్ల బరువును స్పాంజ్ గ్రహిస్తుందని, 1000 డిగ్రీల సెల్సియస్‌లో వేడి చేస్తే తప్ప అందులోని వ్యర్థాలు బయటకు రావని ఇంజినీర్లు పేర్కొన్నారు.

English summary

Researchers have invented a new 3D printed swimsuit capable of cleaning up oil spills and desalinising water while people swim. University of California researchers have created a re usable material, called Sponge, derived from heated sucrose, a form of sugar.