లింబో అద్భుతం: ఎయిర్ పోర్ట్‌లో సీటు కింద నుంచి ఈ యువతి ఏం చేసిందంటే?

ఫిలడెల్ఫియా: సాధారణంగా ఎవరైనా విమానాశ్రయంలో వేచి చూసే పరిస్థితులు వస్తే ఏం చేస్తారు? పుస్తకాలు చదువుతారు, నెట్లో తమకు ఇష్టమైన వాటిని చూస్తుంటారు లేదంటే అక్కడ కలియ తిరుగుతారు. కానీ ఫిలడెల్ఫియాలోని అంతర్జాతీయ విమానాశ్రయంలో (పీహెచ్ఎల్) మాత్రం ఓ మహిళ అందర్నీ ఆశ్చర్యపరిచింది.

ఇంటర్నెట్లో వైరల్

ఇందుకు సంబంధించిన వీడియో ఇంటర్నెట్లో వైరల్ అవుతోంది. ఆమె విమానాశ్రయంలో డ్యాన్స్ చేస్తూ అందర్నీ ఆశ్చర్యపరిచింది. అంతేకాదు, విమానానాశ్రయంలో కూర్చోవడానికి ఉన్న సీట్ల కింద నుంచి డ్యాన్స్ చేస్తూ అందర్నీ అలరించింది.

లక్షలాది మంది చూస్తున్నారు

ఆమె పేరు షెమికా క్యాంప్‌బెల్. వయస్సు 24. అందరు చూస్తుండగానే విమానాశ్రయంలో ఆమె ఈ డ్యాన్స్ చేసింది. ఈ వీడియోను లక్షలాది మంది చూస్తున్నారు. యూట్యూబ్‌లోను అలరిస్తోంది.

సంప్రదాయ డ్యాన్స్ నేర్చుకుంది

ఈమె ట్రినిడాడ్ అండ్ టుబాగోకు చెందినది. దీంతో ఆ యువతి ఈ డ్యాన్స్‌ను వారి తల్లి, అమ్మమ్మల నుంచి నేర్చుకుంది. షెమికా క్యాంప్‌బెల్ ఇప్పుడు న్యూయార్క్‌లోని బఫలోలో నివసిస్తోంది. ఇక్కడ నివసిస్తున్నప్పటికీ తన సంప్రదాయ డ్యాన్సును నేర్చుకుంది.

గిన్నిస్ రికార్డ్ హోల్డర్

తన ప్రతిభతో ఆమె రెండుసార్లు గిన్నిస్ వరల్డ్ రికార్డుల్లోకి ఎక్కింది. ఆమె 2010లో తొలిసారి 'లోయెస్ట్ ఫిమేల్ లింబో'తో గిన్నిస్ రికార్డుల్లోకి ఎక్కింది. అప్పుడు ఆమె భూమి నుంచి 8.5 ఇంచుల ఎత్తులో డ్యాన్స్ చేసింది. 2016లో రెండో రికార్డ్ సృష్టించింది. 'ది లాంగెస్ట్ డిస్టెన్స్ టు లింబో అండర్ 12 ఇంచెస్'... భూమి నుంచి 12 ఇంచుల ఎత్తులో అత్యధిక దూరం డ్యాన్స్ చేసి రికార్డ్ సృష్టించింది. ఆమె పది అడుగుల దూరం దీనిని ప్రదర్శించింది.

English summary

The Trinidad and Tobago native inherited her love for limbo from her mother and grandmother. Campbell now resides in Buffalo, New York, but continues to carry on the traditional Trinidadian form of dance.