ఏడాది బుడ్డోడు ఇంటిపై నుంచి దూకేశాడు(వీడియో)

Published: Monday, February 8, 2016, 9:37 [IST]

మిడిల్ఈస్ట్: ఏ తల్లిదండ్రులైనా ఏడాది చిన్నారిని ఎంతో అపురూపంగా చూసుకుంటారు. తమ చేతుల నుంచి ఎగేరేసి పట్టుకోవడానికి ఎంతో జాగ్రత్త పడతారు. అయితే, దాదాపు 10 అడుగుల ఎత్తు ఉన్న డాబా ఇంటిపై నుంచి ఏడాది బాలుడ్ని దూకమన్నాడు అతని తండ్రి. ఆ బుడ్డోడికి ఏం తెలుసు తండ్రి చెప్పాడు కదాని దూకేశాడు.

కాగా, తండ్రి అతడ్ని పట్టుకోవడంతో పెద్ద ప్రమాదం తప్పింది. మిడిల్ ఈస్ట్‌లో జరిగిన ఈ ఘటన భయపెట్టేదిగా ఉంది. ప్రస్తుత వైరల్‌గా మారిన ఈ వీడియో ఇంటర్నెట్‌లో హల్‌చల్ చేస్తోంది.తండ్రి అంత నిర్లక్ష్యంగా పిల్లాడి ప్రాణాల్ని పణంగా పెట్టి.. ఈ దారుణమైన సాహసాన్ని చేయాల్సిన అవసరమేముందని నెటిజన్లు ప్రశ్నిస్తున్నారు.

ఈ వీడియోలో వెనుక ఉన్న ఓ మహిళ నవ్వుతున్నట్టు వినిపిస్తోంది. ఆన్‌లైన్‌లో పెట్టే ఉద్దేశంతో తీసినా.. లేక మరే ఉద్దేశంతో ఈ వీడియో తీసినా.. ఆచిన్నారి పట్ల ఇంత దారుణంగా వ్యవహరించడంపై మాత్రం నెటిజన్లు ఆగ్రహం వ్యక్తం చేస్తున్నారు. ఎవరూ లేని సమయంలో ఆ బుజ్జాయి డాబాపైకి ఎక్కి.. కిందకు దూకేస్తే ఎవరిది బాధ్యత? అని ఆందోళన వ్యక్తం చేశారు. పిల్లల పట్ల ఇలాంటి ప్రమాదకర ఫీట్లు తగదని హితవు పలుకుతున్నారు.

Published On February 8, 2016