షాక్: మహిళను విమానంలో ఈడ్చేశారు(వీడియో)

బోర్డింగ్‌ విధానాలను పాటించలేదని ఓ మహిళను సిబ్బంది విమానంలో ఈడ్చుకుంటూ బయటికి తీసుకెళ్లారు.

న్యూయార్క్: బోర్డింగ్‌ విధానాలను పాటించలేదని ఓ మహిళను సిబ్బంది విమానంలో ఈడ్చుకుంటూ బయటికి తీసుకెళ్లారు. ఈ ఘటన డెట్రాయిట్‌ మెట్రోపాలిటన్‌ ఎయిర్‌పోర్టులోని డెల్టా ఎయిర్‌ లైన్స్‌ విమానంలో చోటుచేసుకుంది.

విమానాశ్రయ అధికారుల తెలిపిన వివరాల ప్రకారం.. సదరు మహిళ టెర్మినల్‌ గేట్‌ వద్ద బోర్డింగ్‌ విధానాలను, సామాను తనిఖీ విధానాల్లో నిబంధనలను అనుసరించలేదు.
అంతేగాక, సిబ్బంది ఆమెకు నచ్చజెప్పేందుకు ప్రయత్నించినా వినలేదు.

నేరుగా వెళ్లి విమానం ఎక్కేసింది. విమానం దిగమని చెప్పినా వినకపోవడంతో ఆమెను సిబ్బంది విమానం నుంచి ఈడ్చుకుంటూ తీసుకెళ్లారు. విమాన సిబ్బంది ఆమెను లాక్కెళ్తుండగా ప్రయాణికులు చూస్తూ ఉండిపోయారు.

కాగా, ఈ ఘటనను అందులో ఉన్న ఎవరో వీడియో తీసి సామాజిక మాధ్యమాల్లో పోస్ట్‌ చేశారు. ఆమెపై కేసు నమోదు చేసి, అరెస్టు చేసినట్లు విమానాశ్రయ అధికారులు వెల్లడించారు. విమాన సిబ్బంది ఆమె పట్ల ప్రవర్తించిన తీర్పు పలువురు అసంతృప్తి వ్యక్తం చేశారు.

English summary

An incident on a Delta flight in Detroit was caught on camera Monday, as a woman was dragged down the aisle of the plane by police.