మొసలి కన్నా పెద్ద బల్లి ఇంటికొస్తే..(వీడియో)

థాయ్‌లాండ్: ఇళ్లల్లో గోడలపై తిరిగే బల్లులను మనం సాధారణంగా చూస్తూనే ఉంటాం. కానీ, ఇక్కడ మొసలి కన్నా పెద్దగా ఉన్న ఓ బల్లి ఏకంగా ఓ ఇంటికి వెళ్లింది. అంతేగాక, ఆ ఇంటి తలుపు తెరిచేందుకూ ప్రయత్నించింది. దీంతో దాన్ని తరిమేసేందుకు ప్రయత్నించారు ఆ ఇంటి యజమానులు. ఈ ఘటన థాయ్‌లాండ్ దేశంలో చోటు చేసుకుంది.

ఎక్కడి నుంచి వచ్చిందో ఏమో గానీ.. మెల్లగా పాకుతూ ఇంటి మెట్ల నుంచి గుమ్మం వరకు వెళ్లింది. అనంతరం గోడకు తనతోక సహాయంతో నిల్చొని డోర్ కొట్టింది. కాగా, ఆ ఇంటికి సంబంధించిన వ్యక్తి వచ్చి ఆ పెద్ద ఆకారాన్ని చూసి ఉలిక్కిపడ్డాడు. వెంటనే ఏ మాత్రం ఆలస్యం చేయకుండా తన ఫోన్లో ఆ భారీ బల్లిని ఫొటోలు, వీడియోలు తీసి ఫేస్‌బుక్‌లో పోస్ట్ చేశాడు.

ఈ వీడియోలో బల్లి కదులుతున్న ప్రతిసారి ఓ కుక్క అరుస్తున్న శబ్దం కూడా రికార్డయింది. తర్వాత ఓ తాడుతో ఆ బల్లిని బంధించేందుకు ప్రయత్నిస్తుండగా అది తన తోకతో ఆ డోర్‌ను ఈ డోర్‌ను కొడుతూ చేసిన హంగామా చేసింది.

అనంతరం ఆ బల్లిని బంధించి అడవిలో విడిచిపెట్టారు. కాగా, అత్యంత అరుదైన ఈ అతిధి సాధారణంగా ఆ ప్రాంతానికి తరచుగా వస్తుంటుందని స్థానికులు చెబుతున్నారు. దీన్ని సాలెనా అనే పేరుతో పిలుచుకుంటున్నట్లు తెలిపారు.

English summary

If you don't do well with pictures or videos of giant reptiles, look away now. Then again, how often does one see a Godzilla-sized lizard on one's doorstep? A Thai resident on Wednesday captured on film his encounter with a not-so-welcome guest that knocked at his door and tried to force its way into his home.