'2017లో ఒబామా చనిపోవాలి, మిచెల్లీ గుహలో చింపాంజీతో ఉండాలి'

ట్రంప్ వర్గానికి చెందిన ఓ వ్యక్తి సంచలన వ్యాఖ్యలు చేశారు. ప్రస్తుత అధ్యక్షులు బరాక్ ఒబామా 2017లో చనిపోతారని, మిచెల్లీ ఒబామా ఆఫ్రికాకు వెళ్లి అక్కడ చింపాంజీతో కలిసి ఓ గుహలో జీవించాల్సిందేనని అన్నాడు.

Updated: Sunday, December 25, 2016, 14:13 [IST]

వాషింగ్టన్: అమెరికా తదుపరి అధ్యక్షుడు డొనాల్డ్ ట్రంప్ వర్గానికి చెందిన ఓ వ్యక్తి సంచలన వ్యాఖ్యలు చేశారు. ప్రస్తుత అధ్యక్షులు బరాక్ ఒబామా 2017లో చనిపోతారని, ఆయన భార్య మిచెల్లీ ఒబామా ఆఫ్రికాకు వెళ్లి అక్కడ చింపాంజీతో కలిసి ఓ గుహలో జీవించాల్సిందేనని పరుష వ్యాఖ్యలు చేశాడు.

2017లో ఏం జరగాలని మీరు కోరుకుంటున్నారని ట్రంప్ వర్గానికి చెందిన వ్యక్తిని మీడియా అడిగింది. దీనిపై పైవిధంగా స్పందించాడు.

ట్రంప్ ప్రచార సమయంలో న్యూయార్క్‌కు సంబంధించి కార్ల్ పలాడినో అనే ఓ వ్యాపారవేత్త, రిపబ్లికన్ పార్టీ నాయకుడు కో చైర్మన్‌గా పని చేశారు. ఆయన గతంలో న్యూయార్క్ గవర్నర్‌గా కూడా పని చేశారు. వచ్చే కొత్త ఏడాదిలో ఏం జరిగితే చూడాలని అనుకుంటున్నారని అడిగితే.. ఎద్దుల మందకు వచ్చే భయంకరమైన వ్యాధి ఒబామాకు వచ్చి ఆయనను పరీక్షలకు తీసుకెళ్లడానికి ముందే చనిపోవాలని కోరుకుంటున్నానని అన్నాడు.

ఆ తర్వాత మరో ఏడాదిలో మిచెల్లీ ఒబామా తిరిగి తన దేశం ఆఫ్రికాలోని జింబాబ్వేకు వెళ్లి అక్కడే ఓ చింపాంజీతో కలిసి గుహలో జీవించాలని కోరుకుంటున్నానని చెప్పాడు. ఈ మాటల పైన నిరసనలు వ్యక్తమయ్యాయి. సోషల్ మీడియాలో ఆయన పైన దుమ్మెత్తి పోస్తున్నారు.