నిద్ర పోనివ్వడం లేదని చిన్నారి వేళ్లు కత్తితో నరికింది
బీజింగ్: తన నిద్రకు భంగం కలిగిస్తున్నాడని ఆరేళ్ల చిన్న పిల్లాడి చేతివేళ్లను ఓ మహిళ కోసేసిన సంఘటన చైనాలో జరిగింది. లియూ షాడాంగ్... కౌంటీలోని తన సోదరి ఇంటికి వెళ్లింది. అదే సమయంలో పక్కింట్లో ఉండే షామింగ్ అనే ఓ ఆరేళ్ల బాలుడు ఆడుకోవడానికి వచ్చాడు.
ఇంతలో లియూకు నిద్ర వచ్చింది. దీంతో ఆమె వెళ్లి పడుకొంది. బాలుడు అల్లరి చేస్తుండడంతో వాడిని వారి ఇంటికి పంపించింది. కాసేపటి తర్వాత ఆ బాలుడు మళ్లీ వచ్చాడు.
దీంతో లియూ చిన్నపిల్లాడని కూడా చూడకుండా కత్తితో బాలుడి చేతి వేళ్లు, మర్మాంగాలను కోసేసి, తల, మొహంపై గాయపరిచింది. పిల్లాడి వేళ్లు పూర్తిగా తెగిపోయాయని, మాట్లాడే పరిస్థితులో లేడని, పరిస్థితి విషమంగా ఉందని చెబుతున్నారు.
ఈ ఘటన తర్వాత లియూ పారిపోయింది. సమాచారం అందుకున్న పోలీసులు లియూ నివసించే ప్రాంతానికి వెళ్లి గాలించారు. ఆమెను అరెస్టు చేశారు. ఈ దారుణానికి పాల్పడిన లియూ దాదాపు 10 ఏళ్ల పాటు జైలు శిక్ష అనుభవించాల్సి ఉంటుందని పోలీసులు తెలిపారు. ఆమె స్క్రిజోఫ్రినియాతో బాధపడుతోందని చెబుతున్నారు.