ఆ ఇళ్లు ఒక పాముల పుట్ట: మెడకు చుట్టేసిన కొండ చిలువ..మహిళ మృతి

పాలు పోసిన పామే పగబట్టి చంపినట్లు ఇంట్లో పెంచుకుంటున్న పాము ఒకటి ఓ మహిళ మెడకు చుట్టుకుని నలిపివేయడంతో ఊపిరి ఆడక మృతి చెందిన ఘటన అమెరికాలోని ఇండియానా రాష్ట్రంలో చోటుచేసుకుంది.

ఆ ఇళ్లు పాముల పుట్ట

అమెరికాలో ఓ మహిళ మెడకు 8 అడుగుల పెద్ద కొండ చిలువ చుట్టుకుని ఊపిరి ఆడక మృతి చెందింది. లారా హస్ట్ అనే 38 ఏళ్ల మహిళ బుధవారం ఓ ఇంటికి వెళ్లింది. ఆ ఇళ్లు ఒక పాముల పుట్ట. ఆ ఇంట్లో 140 పాములు బుసకొడుతూ ఉంటాయి. ఆ ఇంటి ఓనరు పోలీసు డిపార్ట్‌మెంట్‌లో పనిచేసే వ్యక్తి. అయితే బుధవారం లారా ఇంట్లోకి వెళుతున్న సమయంలో ఆయన చూశాడు. ఇక అప్పటి నుంచి ఇంటి నుంచి లారా బయటకు రాలేదు.

మహిళ కంఠంపై కొండచిలువ స్వారీ

24 గంటలు గడిచినా లారా ఇంటి నుంచి బయటకు రాకపోవడంతో యజమానికి అనుమానం వచ్చి ఇంటికి వెళ్లి చూడగా లారా విగతజీవిగా పడి ఉంది. ఆమె మెడ చుట్టూ ఓ పెద్ద కొండచిలువ చుట్టుకుని ఉంది. ఇది గమనించిన ఇంటి ఓనరు వెంటనే హాస్పిటల్ సిబ్బందికి కబురు పెట్టారు. ఇంటికి చేరుకున్న సిబ్బంది లారా మెడకు చుట్టుకున్న కొండ చిలువను తొలగించేందుకు చాలా కష్టపడ్డారు. ఆ కొండ చిలువ మెడను చాలా గట్టిగా పట్టేసుకుంది. ఎట్టకేలకు లారా మెడనుంచి కొండచిలువను వేరుచేయడంలో సక్సెస్ అయ్యింది సిబ్బంది. ఇక వెంటనే ఆమెను బతికించేందుకు ప్రయత్నాలు ప్రారంభించారు. కానీ అప్పటికే లారా మృతి చెందినట్లు తెలిపారు.

ఆ ఇంట్లో 140 పాములు బుస కొడుతూ ఉంటాయి

అయితే పాము మెడకు బిగ్గరగా చుట్టుకోవడం వల్లే ఊపిరి ఆడక మరణించి ఉంటుందనే ప్రాథమిక అంచనాకు వచ్చింది మెడికల్ సిబ్బంది. అయితే లారా మృతదేహంను పోస్టుమార్టంకు పంపినట్లు చెప్పారు. నివేదిక వస్తే కానీ లారా మృతిపై మిస్టరీ వీడదని మెడికల్ సిబ్బంది పేర్కొంది. ఇక ఆ ఇంట్లో 140 పాములు ఉండగా అందులో 20 పాములు లారాకు చెందినవి. ఆ పాములు అక్కడే ఉంటాయని వారానికి రెండు సార్లు లారా వచ్చి వాటి బాగోగులను చూసుకుని వెళుతూ ఉంటుందని ఇంటి యజమాని తెలిపారు. ఇక ఆ ఇళ్లు కేవలం పాముల కోసమే రెనోవేట్ చేసినట్లు చెప్పాడు ఇంటి యజమాని. ఆ పాముల కోసం ప్రత్యేకంగా పంజరాలు చేసి ఉంచినట్లు చెప్పిన యజమాని కొన్ని పాములు అలా బయటనే తిరుగుతుంటాయని వెల్లడించారు.

English summary

An Indiana woman has died after she was found with an 8ft python wrapped around her neck in a house owned by a local police that accommodates a collection of snakes.