సూట్ కేస్ లో మహిళ మృతదేహం

భారత సంతతికి చెందిన ఓ మహిళ యూకేలోని లీసెస్టర్ లో అనుమానాస్పద స్థితిలో మృతిచెందారు. ఆమె మృతదేహం సూట్ కేస్ లో లభ్యమైంది.

లండన్: భారత సంతతికి చెందిన ఓ మహిళ యూకేలోని లీసెస్టర్ షైర్ లో అనుమానాస్పద స్థితిలో మృతిచెందారు. ఆమె మృతదేహం సూట్ కేస్ లో లభ్యమైంది. క్రోమర్ స్ట్రీట్ లో పడిఉన్న సూట్ కేస్ లో మహిళ మృతదేహం ఉన్నట్లు గుర్తించిన స్థానికులు పోలీసులకు ఫిర్యాదు చేశారు.

మృతురాలిని కిరణ్ దౌడియా(46)గా గుర్తించారు. ఆమె భర్త అశ్విన్ దౌడియా(50)ను అదుపులోనికి తీసుకుని ప్రశ్నిస్తున్నట్లు పోలీసులు వెల్లడించారు. అతడే ఆమెను హత్య చేసి ఉంటాడనే అనుమానంతో కేసు నమోదు చేశారు.

కిరణ్ దౌడియా గత 17 ఏళ్లుగా కాల్ సెంటర్ లో పని చేస్తున్నారు. ఆమెకు ఇద్దరు కుమారులు ఉన్నారు. కిరణ్ మృతితో వారి కుటుంబం షాక్ కు గురైంది. పోలీసులు సూట్ కేస్ లభించిన వీధిలో సీసీ టీవీ ఫుటేజ్ పరిశీలిస్తున్నారు.

ఆమె హత్యకు దారితీసిన కారణాలు, ఇతర ఆధారాల కోసం పోలీసులు విచారణ జరుపుతున్నారు. కిరణ్ ఎలా మరణించిందో పోస్టుమార్టం నివేదిక ద్వారా తెలుసుకుని దాని ఆధారంగా దర్యాప్తు చేయనున్నట్లు పోలీసులు తెలిపారు.

English summary

Body found stuffed in a SUITCASE and dumped in Leicester alleyway revealed to be mum-of-two Next call centre worker, 46, as cops charge man with murder.. Police said they had charged Ashwin Daudia, 50, with murder and remanded him in custody