పెళ్లి చేసుకోనందని కూతుర్ని చంపి ఫేస్బుక్లో..
బెర్లిన్: జర్మనీలో దారుణ ఘటన చోటు చేసుకుంది. పెళ్లి చేసుకోనందుకు కన్న కూతురునే కడతేర్చాడో దుర్మార్గడు. అంతటితో ఆగకుండా ఆ వివరాలన్నింటినీ సామాజిక అనుసంధాన వేదిక ఫేస్బుక్లో పోస్ట్ చేశాడు.
వివరాల్లోకెళితే.. ఓ యువతిని ఆమె తల్లిదండ్రులు దగ్గరి బంధువును పెళ్లి చేసుకోవాలంటూ బలవంతపెట్టారు. ఆమె అతడ్ని పెళ్లి చేసుకోనందుకు తుపాకీతో కాల్చారు. దీంతో యువతి అక్కడికక్కడే చనిపోయింది.
ఈ ఘటనను చూసి పెళ్లికి వచ్చినవారికి గుండె ఆగినంత పనైంది. వారంతా ఒక్కసారిగా నిశ్చేష్టులైపోయారు. కాగా, ఈ ఘటనను చిత్రీకరించిన యువతి తండ్రి ఫేస్బుక్లో ఫొటోలు పోస్ట్ చేసి 'నేను హంతకుడినని ఒప్పుకోను. ఇది తరతరాలుగా వస్తున్న ఆచారం. కాదన్నందుకు పగ తీర్చుకున్నాం' అంటూ వ్యాఖ్యానించాడు.
ఘటనపై సమాచారం అందుకున్న పోలీసులు.. కేసు నమోదు చేసుకుని ఈ విషయమై దర్యాప్తు చేపట్టారు. కాగా, జర్మనీలో ఏటా 3,500 మంది మహిళలు ఇలాంటి వివాహాలపై కౌన్సెలింగ్ తీసుకుంటుంటారు. చాలా మంది బాధితులు ప్రాణ భయంతో ఈ విషయాల్ని బయట పెట్టడం లేదని తెలిసింది.
Click it and Unblock the Notifications
Sign in with Google