ఆమె మండేలా విగ్రహాన్ని నగ్నంగా కౌగిలించుకుంది

జోహన్నెస్‌బర్గ్: నల్లజాతి సురీడు, దక్షిణాఫ్రికా మాజీ అధ్యక్షుడు దివంగత నెల్సన్ మండేలా భారీ విగ్రహాన్ని ఓ మహిళ కౌగిలించుకుని ఆయనకు నివాళుర్పించింది. అయితే మామూలుగా కౌగిలించుకుంటే అంతపెద్ద విషయం కాకపోయేదే.. కానీ, ఆమె పూర్తి నగ్నంగా ఆయన విగ్రహాన్ని కౌగిలించుకోవడంతో సంచలనంగా మారింది. ఆమె ఫొటోలతో కూడిన కథనాలను స్థానిక మీడియా ప్రచురితం చేసింది.

దక్షిణాఫ్రికా వాణిజ్య రాజధాని జోహన్నెస్‌బర్గ్‌లోని అప్ మార్కెట్ ప్రాంతంలోని నెల్సన్ మండేలా విగ్రహం వద్ద సోమవారం సాయంత్రం 4 గంటలకు ఈ ఘటన చోటు చేసుకుందని స్టార్ న్యూస్ తన కథనంలో పేర్కొంది. ఆ మహిళ నగ్నంగా కౌగిలించుకోవడంతో ఆగకుండా ఆ ఫొటోలను ట్విట్టర్‌లో పోస్టు చేసింది.

ఒంటిమీద నూలు పోగులేకుండా తన తలను మండేలా విగ్రహం మోకాలికి ఆన్చినట్లు ఉన్న ఫొటోను పెట్టింది. కాగా, ‘అందాల ప్రదర్శనతో ఓ ప్రైవేటు వ్యక్తి తన శక్తి సామర్థ్యాలను నిరూపించుకునేందుకు చేసిన ఓ అనధికార చర్య' అని దీన్ని నెల్సన్ మండేలా స్క్వేర్ మార్కెటింగ్ మేనేజర్ మెగాన్ అభివర్ణించారు.

ఇది ఇలా ఉండగా అక్కడున్న సెక్యూరిటీ బతిమాలడంతో ఆ మహిళ బట్టలు వేసుకుని అక్కడి నుంచి వెళ్లిపోయిందని స్థానికులు తెలిపారు. కాగా, ఆమె ఎలాంటి ప్రశ్నలకు ఆమె సమాధానం చెప్పలేదని వారు చెప్పారు.

English summary

A woman stripped naked in Nelson Mandela Square in Johannesburg and caressed a huge statue of the liberation hero as astonished bystanders looked on, local media reported on Wednesday.