మహిళా సూసైడ్ బాంబర్ హమీద్ భార్యనే
పారిస్: ఫ్రాన్స్ రాజధాని పారిస్లోని సెయింట్ డెనిస్లో ఆ దేశ కమెండో ఆపరేషన్ సమయంలో తనను తాను పేల్చి వేసుకున్న సూసైడ్ బాంబర్ను గుర్తించారు. పారిస్ దాడుల ప్రధాన సూత్రధారి అబ్దుల్ హమీద్ భార్యయే సుసైడ్ బాంబర్గా మారి తనను తాను పేల్చివేసుకుందని తేల్చారు. ఈ విషయాన్ని ఫ్రాన్స్ ధృవీకరించింది.
అటు అరెస్ట్ చేసిన మొత్తం ఏడుగురిలో ఎవరెవరు ఉన్నారనేది ఫ్రాన్స్ ఇంకా వెల్లడించలేదు. ప్యారిస్ లో గత శుక్రవారం జరిగిన ఉగ్రదాడి ప్రధాన సూత్రధారి అయిన అబ్దెల్ హమీద్ అబోద్ ను హతమార్చామని ఫ్రాన్స్ ప్రభుత్వం ప్రకటించింది. అబ్దెల్ హమీద్ తో పాటు మరో ముగ్గురు ఉగ్రవాదులు హత్యమైనట్లు చెప్పింది.
అయితే ఒక ఉగ్రవాదిని ప్రాణాలతో పట్టుకుని విచారణ చేస్తున్నామని తెలిపింది. ఉత్తర ప్యారిస్ లోని సెయింట్ డెన్నిస్ లోని ఓ అపార్ట్ మెంట్ లో ఉగ్రవాదులు తల దాచుకున్నారని ఫ్రాన్స్ ఇంటిలిజెన్స్ వర్గాలు గుర్తించాయి. బుధవారం వేకువ జామున ప్యారిస్ పోలీసులు ఆ పార్ట్ మెంట్ ను చుట్టుముట్టారు.
ముందుగా పై అధికారులు ఇచ్చిన సూచనల మేరకు పోలీసులు ఒకే సారి అన్ని వైపుల నుంచి కాల్పులు జరిపారు. ఉగ్రవాదులు ఎదురు కాల్పులకు పాల్పడ్డారు. అయితే ఉగ్రవాదులు విరుచుకుపడకుండా పోలీసులు జాగ్రత్తలు తీసుకున్నారు. ముగ్గురు ఉగ్రవాదులను అపార్ట్ మెంట్ లోనే అంతం చేశారు. ఒకరిని ప్రాణాలతో పట్టుకున్నారు.