బలవంతంగా యువతుల్ని వ్యభిచారంలోకి: 41మందిలో 18 మంది స్త్రీలే

హైదరాబాద్: అమ్మాయిలను బలవంతంగా వ్యభిచారంలోకి దింపుతున్న ట్రాఫికర్స్‌ను తెలంగాణ సిఐడి పోలీసులు గురువారం నాడు న్యాయస్థానంలో హాజరుపరిచారు. మొత్తం 41 మంది ట్రాఫికర్స్‌ను అరెస్టు చేయగా, అందులో 18 మంది మహిళా ట్రాఫికర్స్ ఉన్నారు.

ఇటీవల వ్యభిచార గృహం నుంచి తప్పించుకొని వచ్చిన ఓ యువతి ఫిర్యాదు మేరకు సిఐడి పోలీసులు కేసు నమోదు చేసుకొని.. నాలుగు రోజుల పాటు మహారాష్ట్రలోని చంద్రాపూర్, బల్లార్షా తదితర ప్రాంతాల్లో దాడులు నిర్వహించారు.

150 మందితో కూడిన సిఐడి బృందం నాలుగు రోజుల పాటు దాడులు నిర్వహించింది. ఈ దాడులలో 18 మంది మహిళలు సహా 41 మంది ట్రాఫికర్స్‌ను అరెస్టు చేశారు. 39 మందిని యువతులను రక్షించారు.

అందులో 31 మంది యువతులు, 8 మంది పిల్లలు ఉన్నారు. ఉద్యోగాల పేరుతో యువతులను, మహిళలను మహారాష్ట్రకు తీసుకెళ్తున్న ట్రాఫికర్స్.. వారిని బలవంతంగా వ్యభిచారంలోకి దింపుతున్నారు. తెలంగాణ సిఐడి కాపాడిన వారిలో 22మంది తెలంగాణ యువతులు, 7గురు చిన్నారులు ఉన్నారు.

English summary

41 women traffickers arrested and introduce in Court.