కానిస్టేబుల్ అత్యుత్సాహం, చార్మిపై చేయివేశాడు: ఫిర్యాదు

సిట్ కార్యాలయానికి వచ్చిన సినీ నటి పోలీసులు కొంత అత్యుత్సాహం ప్రదర్శించినట్లు తెలుస్తోంది. కారు దిగిన చార్మిని కార్యాలయంలోకి తీసుకెళ్లే క్రమంలో ఓ కానిస్టేబుల్ ఆమెపై చేయి వేశాడు.

హైదరాబాద్: సిట్ కార్యాలయానికి వచ్చిన సినీ నటి పోలీసులు కొంత అత్యుత్సాహం ప్రదర్శించినట్లు తెలుస్తోంది. కారు దిగిన చార్మిని కార్యాలయంలోకి తీసుకెళ్లే క్రమంలో ఓ కానిస్టేబుల్ ఆమెపై చేయి వేశాడు. ఆమె వీపుపై చేయి వేసి తీసుకెళ్లినట్లు మీడియా ఛానళ్ల వీడియోలో స్పష్టంగా కనిపించింది.

ఈ నేపథ్యంలో సదరు కానిస్టేబుల్ శ్రీనివాస్‌పై చార్మి ఆగ్రహం వ్యక్తం చేశారు. తనపై చేయి వేశాడంటూ ఉన్నతాధికారులకు ఫిర్యాదు చేశారు. ఇలా చేయడం పట్ల తాను దిగ్భ్రాంతికి గురయ్యానని చార్మి తెలిపారు.

కొందరు తన చేతులు పట్టుకున్నారని తెలిపారు. మహిళా కానిస్టేబుళ్లు ఉన్నప్పటికీ మగ పోలీసులు కొందరు అభ్యంతరకరంగా ప్రవర్తించారని చెప్పారు. సినీ నటులు వచ్చినప్పుడు తగు జాగ్రత్తలు తీసుకోవాలని అన్నారు.

ప్రతీరోజూ సినీ ప్రముఖులకు ఇలాంటి అనుభవమే ఎదురవుతోందని అన్నారు. కానిస్టేబుల్ శ్రీనివాస్‌పై చర్యలు తీసుకోవాలని ఉన్నతాధికారులను చార్మి కోరినట్లు సమాచారం. ఈ ఘటనపై విచారణ జరిపి ఆ కానిస్టేబుల్‌పై ఉన్నతాధికారులు చర్యలు తీసుకునే అవకాశం ఉంది.

English summary

A constable allegedly touched Charmi's body when she came to SIT office on Wednesday morning.