లారీ బీభత్సం: ఒకరు మృతి, ఏడుగురికి గాయాలు, వరంగల్ సీపీకి తప్పిన ప్రమాదం
మెదక్: వరంగల్ జిల్లా పోలీస్ కమిషనర్ రవీందర్కు తృటిలో పెను ప్రమాదం తప్పింది. తూప్రాన్ టోల్గేట్ వద్ద ఓ లారీ వాహనాలను ఢీకొట్టుకుంటూ బీభత్సం సృష్టించింది. ఈ ప్రమాదంలో ఒకరు మృతి, మరో ఐదుగురికి తీవ్రగాయాలయ్యాయి.
మహారాష్ట్రలోని తమ బంధువు ఇంటిలో జరిగిన శుభాకార్యానికి వెళ్లి సీపీ అధికారిక వాహనంతో పాటు మరో కారులో వస్తుండగా.. తూప్రాన్ సమీపంలో జాతీయ రహదారిపై టోల్ గేట్ వద్ద ఆగివున్న కారును వెనుక నుంచి కంటైనర్ లారీ బలంగా ఢీకొట్టింది.
ఈ వాహనంలో ప్రయాణిస్తున్న సీపీ బంధువు అనిత అక్కడికక్కడే చనిపోయారు. ఇదే కారులోని మరో ఐదుగురు తీవ్ర గాయాలపాలయ్యారు. కంటైనర్ లారీ దూసుకుపోవడంతో రెండు టోల్గేట్లు కూడా ధ్వంసమయ్యాయి. ఇద్దరు టోల్ గేట్ సిబ్బంది గాయపడ్డారు.
ప్రమాద దాటికి ముందు ఉన్న సీపీ అధికారిక వహనం సైతం ధ్వంసమైంది. క్షతగాత్రులను హైదరాబాద్ యశోద, కిమ్స్ ఆస్పత్రులకు తరలించారు. గాయపడిన వారిలో ఓ చిన్నారి కూడా ఉంది. ప్రమాద ఘటనపై పోలీసులు దర్యాప్తు చేస్తున్నారు. కాగా, దేవుడి దయ వల్ల ఈ ప్రమాదం నుంచి తాను ప్రాణాలతో బయటపడ్డానని సీపీ విశ్వనాథ్ రవీందర్ తెలిపారు.
Click it and Unblock the Notifications
Sign in with Google