వైద్యం కోసం వస్తే.. మహిళా టెక్కీపై రేప్ యత్నం
హైదరాబాద్: అనారోగ్య కారణంగా వైద్యం కోసం వచ్చిన ఓ సాఫ్ట్వేర్ ఉద్యోగినిపై డాక్టర్ అత్యాచారయత్నానికి పాల్పడ్డాడు. ఈ ఘటన సికింద్రాబాద్ గోపాలపురం పోలీస్స్టేషన్ పరిధిలో చోటుచేసుకుంది.
ఘటనకు సంబంధించిన వివరాల్లోకి వెళితే.. విజయ్ భాస్కర్ అనే వైద్యుడు స్థానికంగా ఛాతి క్లీనిక్ నడుపుతున్నాడు. శుక్రవారం రాత్రి మారేడ్పల్లికి చెందిన ఓ ఐటీ ఉద్యోగిని (24)కి ఛాతినొప్పి రావడంతో ఆమె తల్లిదండ్రులతో కలిసి క్లీనిక్కు తీసుకువచ్చారు.
వైద్యం చేసే సమయంలో ఆమెతో అసభ్యంగా ప్రవర్తించాడు. అంతేగాక, అత్యాచారం చేసేందుకు ప్రయత్నం చేశాడని ఆ యువతి తల్లిదండ్రులకు చెప్పడంతో వారు అతడితో గొడవకు దిగారు.
అనంతరం అతడి ప్రవర్తనపై గోపాలపురం పోలీసులకు ఫిర్యాదు చేశారు. దీంతో కేసు నమోదు చేసుకున్న పోలీసులు అతడిని అదుపులోకి తీసుకుని విచారిస్తున్నారు.
Comments
English summary
A doctor attempted rape a woman techie in Hyderabad on Friday night.
Story first published: Sunday, October 9, 2016, 15:19 [IST]