నగ్నచిత్రాలు పెడ్తానని బెదిరింపు: యువతి ఫిర్యాదు
హైదరాబాద్: ప్రేమ, సరదాల వరకు ఒకేనట. పెళ్లంటే మాత్రం పరువు తీస్తానని బెదిరింపులు. దీంతో ఆ యువకుడిపై బాధిత యువతి పోలీసులకు ఫిర్యాదు చేసింది. ఈ ఘటన నగరంలోని బంజారాహిల్స్ పోలీస్ స్టేషన్ పరిధిలో చోటుచేసుకుంది.
గత కొంతకాలంగా బాధిత ఇంజినీరింగ్ విద్యార్థినితో ప్రేమ వ్యవహారం నడిపిన ఓ యువకుడు.. పెళ్లి చేసుకోమని అడిగితే ఫేస్బుక్లో నగ్న చిత్రాలు పెడతానంటూ బెదిరిస్తున్నాడు. దీంతో ఆమె బంజారాహిల్స్ పోలీస్ స్టేసన్లో ఫిర్యాదు చేసింది.
వివరాల్లోకి వెళితే.. షేక్పేటలోని ఓ కళాశాలలో ఇంజినీరింగ్ చదువుతున్న విద్యార్థిని(21) స్థానిక ఉమెన్స్ హాస్టల్లో ఉంటోంది. ఇదే ప్రాంతంలో నివసించే శ్రీకాంత్ ప్రేమ పేరుతో పెళ్లి చేసుకుంటానని సదరు విద్యార్థినిని లోబర్చుకున్నాడు.
ఇటీవల సదరు విద్యార్థి పెళ్లి చేసుకోవాలంటూ శ్రీకాంత్పై ఒత్తిడి తేగా.. ఆ యువతి చిత్రాల్ని రహస్యంగా సెల్ఫోన్లో చిత్రీకరించి వాటిని ఫేస్బుక్లో పెడతానంటూ బెదిరింపులకు దిగాడు. దీంతో బాధితురాలు మంగళవారం బంజారాహిల్స్ పోలీసులకు ఫిర్యాదు చేసింది. కేసు నమోదు చేసుకున్న పోలీసులు, దర్యాప్తు చేస్తున్నారు.
Click it and Unblock the Notifications
Sign in with Google