సాయంత్రంలోగా: సండ్రకు ఏసీబీ, ఏమిటీ 160 సెక్షన్? గవర్నర్‌తో కేసీఆర్ భేటీ

హైదరాబాద్: ఓటుకు నోటు కేసులో తెలుగుదేశం పార్టీ ఎమ్మెల్యే సండ్ర వెంకట వీరయ్యకు ఏసీబీ మరోసారి నోటీసులు జారీ చేసింది. 19వ తేదీన సాయంత్రం ఐదు గంటల లోపు తమ ఎదుట హాజరు కావాలని సూచించింది. తొలుత సండ్ర
నివాసంలో నోటీసులు ఇచ్చారు. ఆ సమయంలో ఆయన లేకపోవడంతో తలుపుకు నోటీసు అంటించారు. తాజాగా బుధవారం మరోసారి నోటీసులు ఇచ్చారు.

సండ్రకు ఏసీబీ క్రిమినల్ ప్రొసీజర్ సెక్షన్ 160 కింద నోటీసులు జారీ చేసింది. దీని ప్రకారం.. ఏదైనా దర్యాప్తులో భాగంగా సదరు కేసుతో సంబంధం ఉందన్న వారి నుంచి వాంగ్మూలం నమోదు చేసే అధికారం ఈ సెక్షన్‌ కల్పిస్తుంది.

నోటీసు అందుకున్న వ్యక్తి తనకు తెలిసిన సమాచారానికి సంబంధించి వాంగ్మూలం ఇవ్వాల్సి ఉంటుంది. దీని న్యాయస్థానానికి సమర్పిస్తారు. సండ్రతోపాటు ఎమ్మెల్సీ అభ్యర్థిగా తెలుగుదేశం తరఫున పోటీపడ్డ వేం నరేందర్ రెడ్డి నుంచి కూడా వాంగ్మూలం తీసుకోవాలని ఏసీబీ నిర్ణయించింది.

గవర్నర్‌తో కేసీఆర్ భేటీ

గవర్నర్ నరసింహన్‌తో తెలంగాణ సీఎం కేసీఆర్ బుధవారం మధ్యాహ్నం భేటీ అయ్యారు. ఓటుకు నోటు కేసులో తాజా పరిణామాలు, సెక్షన్ 8పై వివాదం, ఏపీలో తన పైన నమోదైన కేసులు తదితర అంశాల పైన గవర్నర్‌తో చర్చించారని తెలుస్తోంది. మరోవైపు తెలంగాణ సీఎస్‌ను సీపీ మహేందర్ రెడ్డి కలిశారు.

నాంపల్లి కోర్టుకు బయలుదేరిన స్టీఫెన్ సన్

ఓటుకు నోటు కేసులో మెజిస్టేట్ ముందు వాంగ్మూలం ఇచ్చేందుకు నామినేటెడ్ ఎమ్మెల్యే స్టీఫెన్ సన్ నాంపల్లి కోర్టుకు హాజరయ్యారు.

English summary

ACB issues notices to TDP MLA Sandra Venkata Veeraiah