బ్యాంకులకు వరుసగా 4 రోజులు సెలవు, ఏటీఎంలలో డబ్బు నిండుకోవచ్చు!
హైదరాబాద్: బ్యాంకింగ్ సెక్టార్కు వరుస సెలవులు వస్తున్నాయి. మార్చి 24వ తేదీ నుంచి వరుసగా నాలుగు రోజుల పాటు బ్యాంకులకు సెలవులు ఉండనున్నాయి. ఈ నేపథ్యంలో డబ్బులు కావాలన్నా, బ్యాంకులలో ఏదైనా పని ఉన్నా ఈ లోగానే పూర్తి చేసుకోవాల్సి ఉంది.
వచ్చే గురువారం నుంచి వరుసగా నాలుగు రోజుల పాటు బ్యాంకులకు సెలవు. మార్చి 24వ తేదీ గురువారం నాడు హోలీ పండుగ ఉంది. 25వ తేదీ శుక్రవారం నాడు గుడ్ ఫ్రైడే ఉంది. ఆ తర్వాత.. నాలుగో శనివారం, ఆదివారం వస్తున్నాయి. రెండు, నాలుగో శనివారాలు బ్యాంకులకు సెలవు దినాలు.
భారత్లోని అత్యధిక రాష్ట్రాలలో ఈ నాలుగు రోజుల పాటు ప్రభుత్వ రంగ బ్యాంకులు మూతపడనున్నాయి. ఈ బ్యాంకుల ఏటీఎంలలో 23వ తేదీ బుధవారం సాయంత్రం అనంతరం.. తిరిగి సోమవారం మాత్రమే నగదు నింపే అవకాశాలున్నాయి.
సాధారణంగా ప్రధాన ప్రాంతాలలోని ఏటీఎంలలో రెండు మూడు రోజుల్లో నగదు అయిపోతుంది. ఇప్పుడు వరుసగా నాలుగు రోజులు సెలవులు వస్తున్నాయి. ఈ నేపథ్యంలో ఆ ఏటీఎంలలో డబ్బులు ఖాళీ అయిపోయే అవకాశముంది.
Click it and Unblock the Notifications
Sign in with Google