బెల్లి లలిత హత్యలో రాజకీయ నేతలు, నయీం 18 ముక్కలు చేశాడు: సోదరి

హైదరాబాద్: తన సోదరిని గ్యాంగ్ స్టర్ నయీం వర్గమే హత్య చేసిందని, ఈ హత్యలో రాజకీయ నాయకుల ప్రమేయం ఉందని బెల్లి లలిత సోదరి కవిత ఆవేదన వ్యక్తం చేశారు. ఆమె గురువారం నాడు ఓ టీవీ ఛానల్‌తో మాట్లాడారు. తమ కుటుంబంలో బెల్లి లలిత కాకుండా మరో నలుగుర్ని నయీం చంపేశాడన్నారు.

నయీం సమాంతర ప్రభుత్వం, మాజీ మంత్రి హెల్ప్ వెనుక..?, 2 సంచుల్లో బంగారం!

ఈ హత్యలను పోలీసులు పట్టించుకోలేదన్నారు. రాజకీయ నాయకుల ప్రమేయం ఉందని ఆరోపించారు. తన అక్క బెల్లి లలిత హత్యతో తమ కుటుంబం పెద్ద దిక్కు కోల్పోయిందన్నారు. తన బావ, తమ్ముడు సహా హత్య చేశారన్నారు.

బెల్లి లలితతో సహా తాము ఐదుగురు అక్కా చెల్లెళ్లం అన్నారు. లలితక్కకు ఇద్దరు పిల్లలు అని, చెల్లెలికి ఓ కొడుకు, అక్కకు ఓ కొడుకు ఉన్నారన్నారు. తమ వారిని నమ్మించి, తీసుకెళ్లి ముక్కలు ముక్కలు నరికేశాడని ఆవేదన వ్యక్తం చేశారు.

తన సోదరి బెల్లి లలితను పద్దెనిమిది ముక్కలు చేసి ఆ ముక్కలను ఎక్కడెక్కడో విసిరేశారన్నారు. అక్కకు పుట్టు మచ్చలు ఉన్నాయని, వాటి ఆధారంగా తాము గుర్తు పట్టామన్నారు. అప్పటి దాకా ఆమె ఎక్కడికి వెళ్లిందోననే అర్థం కాలేదన్నారు.

కేసీఆర్ దగ్గరివారు టార్గెట్: వీరినే ముక్కలు చేసిన నయీం (పిక్చర్స్)

నయీం చనిపోయినందుకు సంతోషంగానే ఉందని, ఆ సంతోషం కొద్దిగే అన్నారు. ఇంకా అతని అనుచరులు ఉన్నారని చెప్పారు. అసలు నయీం ముఠానే ఉండవద్దన్నారు. తమ కుటుంబంలో అయిదుగురు చనిపోయినందున.. తమ కుటుంబాల పరిస్థితి దారుణంగా ఉందన్నారు. పగవాడికి కూడా ఈ కష్టం రావొద్దన్నారు.

English summary

Belli Lalitha's sister on Gangster Nayeem encounter.