పరేడ్ గ్రౌండ్‌లో లక్షలాదిగా జనం: తెలంగాణలో డబుల్ ఇంజిన్ సర్కారు అంటూ ప్రధాని మోడీ ప్రసంగం

Updated: Sunday, July 3, 2022, 20:14 [IST]

కేంద్రంలో అధికారంలో ఉన్న భారతీయ జనతా పార్టీ జాతీయ కార్యవర్గ సమావేశాలు హైదరాబాద్‌లో శనివారం ప్రారంభం అయ్యాయి జాతీయ అధ్యక్షుడు జేపీ నడ్డా ఈ సమావేశాలను ప్రారంభించారు. ఇందులో పాల్గొనడానికి ప్రధానమంత్రి నరేంద్ర మోడీ హైదరాబాద్‌కు వచ్చారు. రెండోరోజు బీజేపీ జాతీయ కార్యవర్గంలో పలు కీలక తీర్మానాలు ఆమోదం పొందనున్నాయి.

వచ్చే ఏడాది తెలంగాణ అసెంబ్లీకి నిర్వహించే ఎన్నికల్లో ఘన విజయం సాధించాలనే లక్ష్యంతో బీజేపీ వ్యూహాత్మకంగా ఈ సారి జాతీయ కార్యవర్గ సమావేశాలను హైదరాబాద్‌లో నిర్వహిస్తోంది. దీనికి అనుగుణంగానే తీర్మానాలు కూడా ఉండబోతోన్నాయని పార్టీ నాయకులు చెబుతున్నారు. ఈ సాయంత్రం సికింద్రబాద్ పరేడ్ గ్రౌండ్స్‌లో నిర్వహించే విజయసంకల్ప్ దివాస్ బహిరంగసభపై అందరి దృష్టీ నిలిచింది. మోడీ, జేపీ నడ్డా, జీ కిషన్ రెడ్డి సహా పలువురు నేతలు ఇందులో పాల్గొననున్నారు.

ఈ భేటీకి సంబంధించిన వివరాలు మినిట్ టు మినిట్ మీ కోసం..

BJP National Executive meeting at Hyderabad live details are here

Jul 03, 2022, 8:13 pm IST

ప్రసంగం ముగించిన అనంతరం ప్రధాని మోడీ రాజ్‌భవన్‌కు వెళ్లారు.

Jul 03, 2022, 8:12 pm IST

కాగా, మోడీ తన ప్రసంగంలో తెలంగాణలోని ప్రముఖ పుణ్యక్షేత్రాలు, కాకతీయుల ధైర్యసాహసాలను ప్రస్తావించారు. మోడీ ప్రసంగిస్తున్నంత సేపు మోడీ మోడీ అంటూ నినాదాలు హోరెత్తాయి.

Jul 03, 2022, 8:12 pm IST

కాగా, టీఆర్ఎస్ రాజకీయ విమర్శలు, కేసీఆర్, టీఆర్ఎస్ గురించి తన ప్రసంగంలో ప్రస్తావన కూడా చేయలేదు ప్రధాని మోడీ. అయితే, తెలంగాణకు కేంద్రం ఏం చేసిందో ఆయన వివరించారు. తెలంగాణలోని ప్రతి మూలకు కేంద్ర ప్రభుత్వ పథకాలు వెళ్లాయన్నారు.

Jul 03, 2022, 8:11 pm IST

తెలంగాణలో డబుల్ ఇంజిన్ సర్కారు రావడం ఖాయమని, అభివృద్ధి మరింత వేగం ఖావడం కూడా ఖాయమని ప్రధాని నరేంద్ర మోడీ అన్నారు.

Jul 03, 2022, 8:11 pm IST

తెలంగాణలో 5వేల జాతీయ రహదారులను అభివృద్ధి చేస్తున్నామన్నారు. హైదరాబాద్‌లో రూ. 1500 కోట్లతో ఫ్లైఓవర్లు, ఎలివేటెడ్ ఎక్స్‌ప్రెస్ వేలు నిర్మిస్తున్నామని ప్రధాని తెలిపారు. దేశ ఆత్మనిర్భర్, ఆత్మ విశ్వాసానికి హైదరాబాద్ కేంద్రమని ప్రధాని మోడీ అన్నారు.

Jul 03, 2022, 8:11 pm IST

రీజినల్ రింగ్ రోడ్ కూడా కేటాయించాం. హైదరాబాద్ లో సైన్స్ సిటీ కోసం ఎంతో ప్రయత్నం చేస్తున్నామన్నారు. తెలుగులో సైన్స్ టెక్నాలజీ చదువులుంటే ఎంత బాగుంటుందన్నారు. రైతుల కోసం ఎంఎస్పీని పెంచామన్నారు.

Jul 03, 2022, 8:11 pm IST

రామగుండంలో ఎరువుల కర్మాగారాన్ని తిరిగి ప్రారంభించామని ప్రధాని మోడీ తెలిపారు. దీంతో దేశంలో ఎరువుల కొరత తీరుతుందన్నారు. తెలంగాణలో 5 నీటి ప్రాజెక్టులకు కేంద్రం సహకరిస్తోంది.

Jul 03, 2022, 8:10 pm IST

ప్రధాని మోడీ ప్రసంగం ప్రారంభించినప్పటి నుంచి లక్షలాదిగా హాజరైన అభిమానులు మోడీ మోడీ అంటూ నినాదాలు చేస్తూనే ఉన్నారు. దీంతో వారందరికీ ప్రధాని మోడీ మరోసారి ధన్వవాదాలు చెప్పారు. తెలంగాణ అభివృద్ధిలో కేంద్రం పెద్ద పాత్ర పోషిస్తోందని తెలిపారు. దేశంలోని అన్ని వర్గాల ప్రజల అభివృద్ధికి తమ ప్రభుత్వం కృషి చేస్తోందన్నారు.

Jul 03, 2022, 8:10 pm IST

2019లో తెలంగాణ ప్రజలు బీజేపీకి మద్దతు తెలిపారన్నారు. 2019 నుంచి తెలంగాణలో బీజేపీ బలపడుతూనే వస్తుందన్నారు.

Jul 03, 2022, 8:10 pm IST

వచ్చే ఎన్నికల్లో బీజేపీ విజయం సాధిస్తుందని.. తెలంగాణలో డబుల్ ఇంజిన్ సర్కారు ఏర్పాటవుతుందని ప్రధాని నరేంద్ర మోడీ ధీమా వ్యక్తం చేశారు.

Jul 03, 2022, 8:09 pm IST

జీహెచ్ఎంసీ ఎన్నికల్లోనూ ఇప్పటికే ఘన విజయం సాధించామన్నారు. తెలంగాణలో మెజార్టీ ప్రజలు బీజేపీ ప్రభుత్వాన్ని కోరుకుంటున్నారని ప్రధాని నరేంద్ర మోడీ అన్నారు.

Jul 03, 2022, 8:09 pm IST

తెలంగాణ అభివృద్ధి కోసం కేంద్ర ప్రభుత్వం ఎంతో సహకరిస్తుందన్నారు. కరోనా సమయంలోనూ తెలంగాణకు సహకరించామని, ఉచిత రేషన్, వ్యాక్సిన్ ఇచ్చినట్లు చెప్పారు.

Jul 03, 2022, 8:09 pm IST

ధైర్యసాహసాలు, కళలు, సాంస్కృతికి తెలంగాణ రాష్ట్రం సూర్తిదాయమని అన్నారు. బడుగు, బలహీన వర్గాల కోసం బీజేపీ పనిచేస్తోందన్నారు. హైదరాబాద్ ప్రతిభకు పట్టం కడుతుందన్నారు ప్రధాని మోడీ.

Jul 03, 2022, 8:08 pm IST

ప్రధాని నరేంద్ర మోడీ తన ప్రసంగం ప్రారంభంలో హైదరాబాద్ నగరాన్ని భాగ్యనగర్ అంటూ ప్రస్తావించారు. ఇప్పటికే బీజేపీ ప్రభుత్వం అధికారంలోకి వస్తే హైదరాబాద్ పేరును భాగ్యనగర్ గా మారుస్తామంటూ బీజేపీ నేతలు ప్రకటనలు చేస్తున్న క్రమంలో ప్రధాని మోడీ ఈ విధంగా ఉచ్ధరించడం చర్చనీయాంశంగా మారింది. ఒక వేళ బీజేపీ అధికారంలోకి వస్తే హైదరాబాద్ పేరు భాగ్యనగర్ గా మార్పు తథ్యమని ఆ పార్టీ వర్గాలు పేర్కొంటున్నాయి.

Jul 03, 2022, 7:22 pm IST

ప్రజల ఆకాంక్షలకు అనుగుణంగా బీజేపీ నడుచుకుంటుందని ప్రధాని మోడీ అన్నారు. తెలంగాణ గడ్డ ఎంతో స్ఫూర్తినిస్తుందన్నారు.

Jul 03, 2022, 7:20 pm IST

మొదట ఆయన తెలుగులోనే కాసేపు మాట్లాడారు. భాగ్య లక్షలాదిగా తరలివచ్చిన ప్రజలు, బీజేపీ కార్యకర్తలు, నేతలకు మోడీ ధన్యవాదాలు తెలిపారు.

Lively atmosphere in Hyderabad. Addressing a rally. https://t.co/CKJfZ6QmD7
— Narendra Modi (@narendramodi) July 3, 2022

Jul 03, 2022, 7:19 pm IST

తెలంగాణ ప్రాచీన, పరాక్రమాల గడ్డ అని ప్రధాని నరేంద్ర మోడీ అన్నారు. నగరంలోని పరేడ్ గ్రౌండ్స్ ఏర్పాటు చేసిన విజయ్ సంకల్ప్ భారీ బహిరంగలో ప్రధాని నరేంద్ర మోడీ పాల్గొని ప్రసంగించారు.

Jul 03, 2022, 7:01 pm IST

పరేడ్ గ్రౌండ్స్‌లో ప్రధాని నరేంద్ర మోడీ ప్రసంగం తెలుగులో మాట్లాడుతూ ప్రారంబించారు.

Lively atmosphere in Hyderabad. Addressing a rally. https://t.co/CKJfZ6QmD7
— Narendra Modi (@narendramodi) July 3, 2022

Jul 03, 2022, 6:56 pm IST

తెలంగాణలో బీజేపీ ప్రభుత్వం ఏర్పాటు ఖాయమని బండి సంజయ్ అన్నారు.

Jul 03, 2022, 6:52 pm IST

ఉత్తరప్రదేశ్ రాష్ట్రంలో అవినీతి, మాఫియాపై బీజేపీ ప్రభుత్వం ఉక్కుపాదం మోపిందని సీఎం యోగి ఆదిత్యనాథ్ అన్నారు.

Jul 03, 2022, 6:51 pm IST

పరేడ్ గ్రౌండ్స్‌కు లక్షలాదిగా ప్రజలు, బీజేపీ కార్యకర్తలు, నేతలు తరలిరావడంపై బండి సంజయ్‌ను ప్రధాని మోడీ భుజం తట్టి అభినందించారు.

Jul 03, 2022, 6:49 pm IST

త్వరలో తెలంగాణ రాష్ట్రంలో డబుల్ ఇంజిన్ సర్కారు వస్తుందని యూపీ సీఎం యోగి ఆదిత్యనాథ్ అన్నారు.

Jul 03, 2022, 6:48 pm IST

ప్రధాని మోడీపై విమర్శలు చేస్తున్న కేసీఆర్ సహా టీఆర్ఎస్ నేతలపై బండి సంజయ్ తీవ్రంగా మండిపడ్డారు.

Jul 03, 2022, 6:45 pm IST

అంతకుముందు పలువురు కేంద్రమంత్రులు, సీఎంలు మాట్లాడారు.

Jul 03, 2022, 6:45 pm IST

పరేడ్ గ్రౌండ్ సమావేశానికి ప్రధాని నరేంద్ర మోడీ చేరుకున్నారు. మోడీకి ఘన స్వాగతం పలికారు నేతలు, కార్యకర్తలు.

Jul 03, 2022, 6:30 pm IST

తెలంగాణ రాష్ట్రంలో మెజార్టీ ప్రజలు బీజేపీ అధికారంలోకి రావాలని కోరుకుంటున్నారని ప్రధాని నరేంద్ర మోడీ ట్వీట్ చేశారు. ఆయన ఇప్పుడే పరేడ్ గ్రౌండ్ చేరుకున్నారు.

In a short while from now will be addressing a public meeting in Hyderabad. Telangana is witnessing a surge in support for BJP. Our development works have benefited people across all sections of society especially farmers, youngsters, women and the marginalised communities.
— Narendra Modi (@narendramodi) July 3, 2022

Jul 03, 2022, 6:10 pm IST

ఎన్నికలు ఎప్పుడొచ్చినా తెలంగాణలో వచ్చేది బీజేపీ ప్రభుత్వమేనని అమిత్ షా స్పష్టం చేశారు.

Jul 03, 2022, 6:09 pm IST

ప్రధాని నరేంద్ర మోడీ హెచ్ఐసీసీ నుంచి హెాలికాప్టర్‌లో పరేడ్ గ్రౌండ్ సభకు బయల్దేరారు.

Jul 03, 2022, 6:01 pm IST

కేసీఆర్ సర్కారుకు తెలంగాణ ప్రజల ప్రయోజనాల కంటే కుటుంబ ప్రయోజనాలే ముఖ్యమని కేంద్ర హోంమంత్రి అమిత్ షా విమర్శించారు.

Live: Vijaya Sankalpa Sabha from Parade Grounds in the august presence of Hon'ble PM Shri Narendra Modi ji. https://t.co/Lnjoh8LglG
— Bandi Sanjay Kumar (@bandisanjay_bjp) July 3, 2022

Jul 03, 2022, 5:59 pm IST

పరేడ్ బహిరంగ సభలో కేంద్రమంత్రి కిషన్ రెడ్డి, ఇతర బీజేపీ నేతలు మాట్లాడుతూ.. కేసీఆర్ సర్కారుపై విమర్శలు గుప్పించారు.

9:33 AM, 2 Jul

తెలంగాణ

జాతీయ కార్యవర్గ సమావేశాలను పురస్కరించుకుని హైదరాబాద్ కాషాయమయమైంది. నగరవ్యాప్తంగా పెద్ద ఎత్తున బ్యానర్లు వెలిశాయి. ప్రధానమంత్రి నరేంద్ర మోడీ ఇవ్వాళ హైదరాబాద్‌కు రానుండటంతో ఆయనకు స్వాగతం పలుకుతూ పోటాపోటీగా బ్యానర్లు, ఫ్లెక్సీలు ఏర్పాటు చేశారు ఆ పార్టీ నాయకులు.

9:42 AM, 2 Jul

తెలంగాణ

ప్రధాని, కేంద్ర మంత్రులతో పాటు బీజేపీ పాలిత రాష్ట్రాల ముఖ్యమంత్రులు, పలువురు సీనియర్ నాయకులు ఈ సమావేశాలకు హాజరు కానున్నారు. దీనితో భద్రతా పరంగా భారీ ఏర్పాట్లు చేశారు.

9:43 AM, 2 Jul

తెలంగాణ

ఈ సమావేశాల్లో పాల్గొనడానికి బీజేపీ జాతీయ అధ్యక్షుడు జేపీ నడ్డా శుక్రవారమే హైదరాబాద్‌కు చేరుకున్నారు. వేదికను పరిశీలించారు. ప్రధాని నరేంద్ర మోడీ, కేంద్ర హోం శాఖ మంత్రి అమిత్ షా ఇవ్వాళ మధ్యాహ్నం హైదరాబాద్ వస్తారు.

9:52 AM, 2 Jul

తెలంగాణ

ఆదివారం సాయంత్రం 4 గంటలకు నరేంద్ర మోడీ సమావేశాలను ఉద్దేశించి ఇచ్చే ముగింపు ప్రసంగంతో ఈ కార్యవర్గ సమావేశాలు ముగుస్తాయి. ఆదివారం సాయంత్రం సికింద్రాబాద్‌లో భారీ బహిరంగ సభలో మోడీ పాల్గొంటారు.

10:05 AM, 2 Jul

తెలంగాణ

ప్రధాని మోడీకి ముఖ్యమంత్రి కేసీఆర్ స్వాగతం పలకట్లేదు. ప్రభుత్వం తరఫున మంత్రి తలసాని శ్రీనివాస్ యాదవ్ ఆయనకు ఆహ్వానం పలకనున్నారు. మోడీకి కేసీఆర్ ఆహ్వానం పలకకపోవడం ఈ ఆరు నెలల వ్యవధిలో ఇది మూడోసారి.

10:09 AM, 2 Jul

తెలంగాణ

జాతీయ కార్యవర్గ సమావేశాల వేదిక హైదరాబాద్ ఇంటర్నేషనల్ కన్వెన్షన్ సెంటర్‌కు చేరుకున్న భారతీయ జనతా పార్టీ జాతీయ అధ్యక్షుడు జేపీ నడ్డా. పదాధికారులతో ఆయన సమావేశం కానున్నారు. సాయంత్రం 4 గంటలకు కార్యవర్గ సమావేశాలను ప్రారంభిస్తారు.

Telangana | BJP national president JP Nadda reaches Hyderabad International Convention Centre for the party's two-day national executive meeting (July 2-3) starting today. pic.twitter.com/mOJPK42RHg
— ANI (@ANI) July 2, 2022

10:35 AM, 2 Jul

తెలంగాణ

బీజేపీ జాతీయ కార్యవర్గ సమావేశాలను దృష్టిలో ఉంచుకుని శని, ఆదివారాల్లో హైటెక్స్, పెరేడ్ గ్రౌండ్ ప్రాంతాల్లో ట్రాఫిక్ ఆంక్షలను విధించారు పోలీసులు. నాలుగు వేల మందికి పైగా పోలీసులు భద్రతా ఏర్పాట్లను పర్యవేక్షిస్తోన్నారు.

10:56 AM, 2 Jul

తెలంగాణ

బీజేపీ జాతీయ కార్యవర్గ సమావేశాలను దృష్టిలో ఉంచుకుని హైదరాబాద్ ఇంటర్నేషనల్ కన్వెన్షన్ సెంటర్ వద్ద తెలంగాణ సంప్రదాయాన్ని ప్రతిబింబించేలా కళాకారుల నృత్య ప్రదర్శన.

#WATCH | Telangana: Dance performances outside the International Convention Centre in Hyderabad where BJP's two-day national executive meeting will begin today. pic.twitter.com/JPRwGQodDF
— ANI (@ANI) July 2, 2022

11:05 AM, 2 Jul

తెలంగాణ

హైదరాబాద్ ఇంటర్నేషనల్ కన్వెన్షన్ సెంటర్‌లో జాతీయ కార్యవర్గ సమావేశాలను ప్రారంభించిన భారతీయ జనతా పార్టీ అధ్యక్షుడు జేపీ నడ్డా.

Telangana | BJP national president JP Nadda inaugurates the party's national officer bearers' meeting in Hyderabad. pic.twitter.com/H0J4HE8arf
— ANI (@ANI) July 2, 2022

11:29 AM, 2 Jul

తెలంగాణ

జాతీయ కార్యవర్గ సమావేశాల సందర్భంగా హైదరాబాద్ ఇంటర్నేషనల్ కన్వెన్షన్ సెంటర్‌ వద్ద భారతీయ జనతా పార్టీ నాయకుల కోలాహలం.

11:34 AM, 2 Jul

తెలంగాణ

ముఖ్యమంత్రి కొడుకు ముఖ్యమంత్రి కాలేడు. రాష్ట్రంలో బీజేపీ బలపడింది. తాము గెలవలేమని టీఆర్ఎస్ నాయకులు భయపడుతున్నారు. బీజేపీకి వ్యతిరేకంగా ప్రచారాలు సాగిస్తూ ప్రజాధనాన్ని దుర్వినియోగం చేస్తోన్నారు- కేంద్ర మంత్రి జీ కిషన్ రెడ్డి

11:54 AM, 2 Jul

తెలంగాణ

అవినీతి, కుటుంబ రాజకీయాలకు బీజేపీ దూరం. బీజేపీలో అంతర్గత ప్రజాస్వామ్యం ఉంది. ఓ సాధారణ కార్యకర్త కూడా ముఖ్యమంత్రి, ప్రధాని కాగలరు. అవినీతి గురించి టీఆర్ఎస్ వంటి పార్టీలు పాఠాలు చెప్పడం హాస్యాస్పదం- కేంద్రమంత్రి జీ కిషన్ రెడ్డి

11:59 AM, 2 Jul

ఢిల్లీ

బీజేపీ జాతీయ కార్యవర్గ సమావేశాల్లో పాల్గొనడానికి ఢిల్లీ నుంచి హైదరాబాద్‌కు బయలుదేరిన రక్షణశాఖ మత్రి రాజ్‌నాథ్ సింగ్. ఈ మధ్యాహ్నానికి ఆయన హైదరాబాద్‌కు చేరుకుంటారు.

12:46 PM, 2 Jul

తెలంగాణ

బీజేపీ జాతీయ కార్యవర్గ సమావేశాలు కొనసాగుతున్న వేళ.. హైదరాబాద్‌కు చేరుకున్న ప్రతిపక్షాల రాష్ట్రపతి అభ్యర్థి యశ్వంత్ సిన్హా. ఆయనకు ముఖ్యమంత్రి కేసీఆర్ స్వయంగా ఆహ్వానించారు. అదే సమయంలో ప్రధాని నరేంద్ర మోడీని ఆహ్వానించడానికి ఆయన వెళ్లట్లేదు.

1:07 PM, 2 Jul

తెలంగాణ

బీజేపీ జాతీయ కార్యవర్గ సమావేశాల్లో పాల్గొనడానికి కొద్దిసేపటి కిందటే హైదరాబాద్‌కు చేరుకున్న హర్యానా ముఖ్యమంత్రి మనోహర్ లాల్ ఖట్టర్.

We are moving forward across the country. I believe that after this National Executive meeting we will be there in Telangana too: Haryana CM Manohar Lal Khattar in Hyderabad pic.twitter.com/MwoDSL0O2k
— ANI (@ANI) July 2, 2022

1:47 PM, 2 Jul

తెలంగాణ

ప్రధాని మోడీని ముఖ్యమంత్రి కేసీఆర్ స్వాగతించకపోవడాన్ని తప్పు పట్టిన బీజేపీ రాష్ట్రశాఖ అధ్యక్షుడు బండి సంజయ్. ఫిబ్రవరిలో మోడీ నగరానికి వస్తే జ్వరం పేరుతో ఫామ్‌హౌస్‌లో పడుకున్నారంటూ ఎద్దేవా. రెండు రోజులు మోడీ హైదరాబాద్‌లోనే ఉండబోతున్నారని, నగరంలోనే ఉంటావా లేక వదిలి వెళ్తావా? అంటూ నిలదీత

2:41 PM, 2 Jul

తెలంగాణ

బీజేపీ జాతీయ కార్యవర్గ సమావేశాల వేదిక హైదరాబాద్ ఇంటర్నేషనల్ కన్వెన్షన్ సెంటర్ వద్ద కళాకారులతో కలిసి స్టెప్స్ వేసిన ఆ పార్టీ నాయకురాలు, ప్రముఖ నటి ఖుష్బు సుందర్

#WATCH | Telangana: BJP leader Khushbu Sundar joined the artists who were performing outside the International Convention Centre in Hyderabad where BJP's two-day national executive meeting will begin today. pic.twitter.com/gge1XTj5jU
— ANI (@ANI) July 2, 2022

2:44 PM, 2 Jul

తెలంగాణ

బీజేపీ జాతీయ కార్యవర్గ సమావేశాల వేదిక హైదరాబాద్ ఇంటర్నేషనల్ కన్వెన్షన్ సెంటర్ వద్ద కళాకారులతో కలిసి కోలాటం ఆడిన కేంద్ర హోం శాఖ సహాయ మంత్రి జీ కిషన్ రెడ్డి.

#WATCH | Telangana: Union Minister G Kishan Reddy joined the artists who were performing outside the International Convention Centre in Hyderabad where BJP's two-day national executive meeting will begin today. pic.twitter.com/WmPXvOAB9B
— ANI (@ANI) July 2, 2022

3:11 PM, 2 Jul

తెలంగాణ

వాట్సప్ గ్రూపుల ద్వారా కేంద్ర ప్రభుత్వం సంక్షేమ పథకాలు, అభివృద్ధి పనుల గురించి ప్రజలకు వివరిస్తాం. ప్రతి బూత్‌ స్థాయిలో 200 మంది క్రియాశీలక కార్యకర్తలను ఇందులో భాగస్వామ్యులను చేస్తాం. ప్రధాని మోడీ మన్ కీ బాత్ వంటి కార్యక్రమాలను ప్రజల్లోకి తీసుకెళ్తాం: బీజేపీ నాయకురాలు, మాజీ ముఖ్యమంత్రి వసుంధర రాజె

Hyderabad | Economy & welfare of poor to be topics of focus. Each booth needs 200 active workers. We would prepare WhatsApp groups that incl grassroots workers. We'll discuss how to spread Mann ki Baat talks, how to prepare 'panna pramukh': BJP Leader Vasundhara Raje pic.twitter.com/aibvpVrPnW
— ANI (@ANI) July 2, 2022

3:45 PM, 2 Jul

తెలంగాణ

బీజేపీ జాతీయ కార్యవర్గ సమావేశాల్లో పాల్గొనడానికి హైదరాబాద్‌కు వచ్చిన ప్రధానమంత్రి నరేంద్ర మోడీ. గవర్నర్ తమిళిసై సౌందరరాజన్, మంత్రి తలసాని శ్రీనివాస్ యాదవ్ ఆయనకు విమానాశ్రయంలో స్వాగతం పలికారు.

"Landed in the dynamic city of Hyderabad to take part in the BJP National Executive Meeting. During this meeting we will discuss a wide range of issues aimed at further strengthening the Party," PM Narendra Modi tweets. pic.twitter.com/vQQJNo2EYp
— ANI (@ANI) July 2, 2022

3:52 PM, 2 Jul

తెలంగాణ

ప్రధాని ముఖం చూడ్డానికి ముఖ్యమంత్రి కేసీఆర్ భయపడుతున్నారు. రాష్ట్రపతి గానీ, ప్రధాని గానీ వస్తే ముఖ్యమంత్రి స్వాగతం పలకడం సంప్రదాయం. దాన్ని కేసీఆర్ పాటించట్లేదు: బీజేపీ నేత, ఎమ్మెల్సీ ఎన్ రామచందర్ రావు

If PM or President arrives at airport, CM of that state should receive them, this is a protocol. Breaking this convention is not right, we should respect the PM, he is the PM of the country, not only BJP. He (Telangana CM KCR) is scared to face the PM: N Ramchander Rao, BJP MLC pic.twitter.com/IhfUiMJiZs
— ANI (@ANI) July 2, 2022

4:09 PM, 2 Jul

హైదరాబాద్ చేరుకున్న ప్రధాని మోడీ

4:10 PM, 2 Jul

బేగంపేట విమానాశ్రయంలో స్వాగతం పలికిన మంత్రి తలసాని శ్రీనివాస్ యాదవ్

4:12 PM, 2 Jul

డైనమిక్ సిటీలో అడుగిడిన: ప్రధాని మోడీ

4:31 PM, 2 Jul

బేగంపేట నుంచి హెలికాప్టర్‌లో హెచ్ఐసీసీ చేరుకున్న ప్రధాని మోడీ

4:32 PM, 2 Jul

బీజేపీకి ప్రజల మద్దతు ఉంది: బీజేపీ జాతీయ ఉపాధ్యక్షురాలు వసుంధర రాజే

4:52 PM, 2 Jul

తెలుగులో ట్వీట్ చేసిన ప్రధాని మోడీ

డైనమిక్ సిటీ హైదరాబాద్ లో జరుగుతున్న @BJP4India నేషనల్ ఎగ్జిక్యూటివ్ మీటింగ్‌లో పాల్గొనేందుకు నగరానికి చేరుకున్నాను. ఈ సమావేశంలో పార్టీని మరింత బలోపేతం చేసేందుకు ఉద్దేశించిన పలు అంశాలపై చర్చిస్తాం. pic.twitter.com/wOrG9GvabO
— Narendra Modi (@narendramodi) July 2, 2022

5:07 PM, 2 Jul

దేశభక్తిని పెంపొందించేలా హర్ ఘర్ తిరంగా ఉద్యమం: వసుంధర రాజే

5:07 PM, 2 Jul

20 కోట్ల మంది భారతీయులకు హర్ ఘర్ తిరంగా చేరువ కానుంది

5:20 PM, 2 Jul

ప్రధాని మోడీని సత్కరించిన కేంద్రమంత్రి కిషన్ రెడ్డి