అమ్మాయి ఫోటోతో 16 లక్షలు కొట్టేశారు, కాల్ సెంటర్ పేరుతో చీటింగ్

By Srinivas

Published: Thursday, October 8, 2015, 17:19 [IST]

హైదరాబాద్: హెచ్ఐవీ సోకిన అబ్బాయిని పెళ్లి చేసుకుంటానని చెబుతూ, అందమైన ఫోటో పెట్టి ఆన్‌లైన్ మోసానికి పాల్పడిన వ్యక్తిని పోలీసులు గురువారం నాడు అరెస్టు చేశారు. ఆన్‌లైన్‌లో అందమైన అమ్మాయి ఫోటో పెట్టారు.

హెచ్ఐవీ సోకిన వ్యక్తిని పెళ్లి చేసుకుంటామని అందులో పేర్కొన్నారు. దాని ఆధారంగా రూ.16 లక్షలు దోచారు. మోసానికి పాల్పడిన అవదేశ్ అనే నిందితుడిని అరెస్టు చేశారు. ఇతను రాజస్థాన్‌కు చెందిన వ్యక్తి. మరో నిందితుడు పరారీలో ఉన్నాడు.

ఓయు వద్ద చైన్ స్నాచింగ్

ఉస్మానియా విశ్వవిద్యాలయ పోలీసు స్టేషన్ పరిధిలో గురువారం నాడు చైన్ స్నాచింగ్ జరిగింది. ఓ మహిళ వెళ్తుండగా ద్విచక్ర వాహనం పైన వచ్చిన దుండగులు ఆమె మెడలోని బంగారు ఆభరణాలు లాక్కెళ్లారు.

కాల్ సెంటర్ పేరుతో మోసగిస్తున్న ఢిల్లీ ముఠా అరెస్టు

కాల్ సెంటర్ పేరుతో భారీ మోసానికి పాల్పడిన ఢిల్లీకి చెందిన ముఠాను సైబర్ క్రైమ్ పోలీసులు అరెస్టు చేశారు. ముఠాలో మొత్తం 14 మంది సభ్యులున్నారు. ప్రైజ్ మనీ వచ్చిందంటూ పలువురికి ఫోన్ చేసి డబ్బులు గుంజుతున్నారని, అలా ఇంతవరకు రూ.4 కోట్లకు పైగా మోసాలకు పాల్పడ్డట్లు తెలిసింది. గుర్గావ్ కేంద్రంగా కార్యకలాపాలు నడుపుతున్నారు.

కాల్ సెంటర్ పేరుతో మోసం

కాల్ సెంటర్ పేరుతో భారీ మోసానికి పాల్పడిన ఢిల్లీకి చెందిన ముఠాను హైదరాబాద్ సైబర్ క్రైమ్ పోలీసులు అరెస్టు చేశారు.

కాల్ సెంటర్ పేరుతో మోసం

కాల్ సెంటర్ పేరుతో భారీ మోసానికి పాల్పడిన ఢిల్లీకి చెందిన ముఠాను హైదరాబాద్ సైబర్ క్రైమ్ పోలీసులు అరెస్టు చేశారు. వారిని గురువారం మీడియా ముందు ప్రవేశ పెట్టారు.