శంషాబాద్ విమానాశ్రయం దారిలో కారు దగ్ధం

హైదరాబాద్: తెలంగాణ రాష్ట్ర రాజధాని హైదరాబాదులోని శంషాబాద్ అంతర్జాతీయ విమానాశ్రయం వద్ద ప్రమాదవశాత్తు ఓ కారు మంటల్లో చిక్కుకుంది. కారు నుంచి ప్రయాణికులు సురక్షితంగా బయటపడ్డారు. ప్రమాదానికి కారణాలు తెలియరాలేదు. సంఘటనపై స్థానికులు పోలీసులకు సమాచారమందించారు.

నాటుబాంబు పేలి వృద్ధురాలికి గాయాలు

అదిలాబాద్ జిల్లా బోధ్ మండలంలో ఓ నాటుబాంబు పేలి ఓ వృద్ధురాలికి తీవ్ర గాయాలయ్యాయి. బోధ్ మండలంలోని కౌట(బి)లో జంతువుల కోసం చేనులో పెట్టిన నాటుబాంబు పేలడంతో ఈ ప్రమాదం జరిగింది.

పేకాట శిబిరంపై పోలీసుల దాడి

హైదరాబాదులోని బోరబండలో పేకాట శిబిరం పైన పోలీసులు దాడి చేశారు. ఈ దాడిలో పోలీసులు 10 మందిని అరెస్టు చేశారు. వారి వద్ద నుండి రూ.66 వేలు, 10 సెల్ ఫోన్లు స్వాధీనం చేసుకున్నారు.

రైతు ఆత్మహత్య

కరీంనగర్ జిల్లా ముస్తాబాద్ మండలంలో ఓ రైతు అప్పుల బాధతో ఆత్మహత్య చేసుకున్నాడు. వ్యవసాయంలో నష్టం రావడంతో అప్పులపాలైన ఎల్లం అనే రైతు పురుగుల మందు తాగి ఆత్మహత్యకు పాల్పడినట్లుగా తెలుస్తోంది.

English summary

Car catches fire in Hyderabad on Monday at Shamshabad air port.