ఎన్నారై బిజినెస్మాన్తో చిరంజీవి చిన్న కుమార్తె శ్రీజ పెళ్లి?
హైదరాబాద్: కాంగ్రెస్ పార్టీ సీనియర్ రాజ్యసభ సభ్యులు, మాజీ కేంద్రమంత్రి చిరంజీవి చిన్న కుమార్తె శ్రీజ పెళ్లి చేసుకోబోతున్నట్లుగా తెలుస్తోందని వార్తలు వస్తున్నాయి. శ్రీజ పెళ్లి పైన వార్తలు రావడం గమనార్హం. అయితే దీని పైన చిరంజీవి కుటుంబం స్పందించవలసి ఉంది.
శ్రీజ 2007లో శిరీష్ భరద్వాజ్ను ప్రేమించి పెళ్లి చేసుకున్నారు. అప్పుడు ఈ విషయం సంచలనం రేపింది. ఆ తర్వాత ఆ పెళ్లి మూన్నాళ్ల ముచ్చటగానే మారింది. వీరికి ఓ పాప పుట్టిన తర్వాత అత్తింటి వారు కట్నం కోసం వేధిస్తున్నారని శ్రీజ పోలీసు కేసు పెట్టారు.
2011లో శ్రీజ, శిరీష్ భరద్వాజ్ విడాకులు తీసుకున్నారు. అయితే ఇప్పుడు ఓ ఎన్నారైతో శ్రీజ పెళ్లి జరగనున్నట్లుగా తెలుస్తోందని వార్తలు వస్తున్నాయి. ఇటీవల కుటుంబ సభ్యుల మధ్య నిశ్చితార్థ వేడుక జరిగిందని తెలుస్తోందని, ఈ విషయమై చిరు కుటుంబం నుంచి ఎవరూ స్పందించలేదని వార్తలు వస్తున్నాయి.
కాగా, శ్రీజకు కాబోయే భర్త ఓ ఎన్నారై అని, ఆయన అమెరికాలో పలు వ్యాపారాలు చేస్తున్నాడని, అక్కడే స్థిరపడ్డాడని తెలుస్తోందని వార్తలు వస్తున్నాయి. అయితే, ఈ వార్తలు నిజమా, కాదా తెలియాలంటే మెగా కుటుంబం స్పందించాల్సి ఉంటుంది.