Revanth Reddy: ఢిల్లీకి రేవంత్ రెడ్డి, భట్టి విక్రమార్క..

లోక్ సభ అభ్యర్థుల ఎంపిక కాంగ్రెస్ కు సంక్లిష్టంగా మారింది. కాంగ్రెస్ తెలంగాణకు సంబంధించి 17 స్థానాలకు 13 నియోజకవర్గాల్లో అభ్యర్థులను ప్రకటించింది. మరో నాలుగు స్థానాలకు అభ్యర్థులను ఎంపిక చేయాల్సి ఉంది. ఖమ్మం, వరంగల్, కరీంనగర్, హైదరాబాద్ కు స్థానాల్లో అభ్యర్థులను ఎంపిక చేయాలి. దీని కోసం సీఎం రేవంత్ రెడ్డి, డిప్యూటీ సీఎం భట్టి విక్రమార్క, కాంగ్రెస్ పార్టీ వ్యవహారాల బాధ్యులు దీపాదాస్ మున్షీ ఆదివారం ఢిల్లీ వెళ్లనున్నారు.

ఆదివారం సాయంత్రం మిగిలిన 4 స్థానాలకు కాంగ్రెస్ అభ్యర్థులను ప్రకటించే అవకాశం ఉంది. వరంగల్‌ నుంచి దొమ్మాట సాంబయ్య, నమిళ్ల శ్రీనివాస్, కరీంనగర్‌ నుంచి ప్రవీణ్‌ రెడ్డి, రాజేందర్‌ రావు, తీన్మార్‌ మల్లన్న పేరు పరిశీలనలో ఉన్నాయి. అటు ఖమ్మం సీటు కోసం భట్టి, పొంగులేటి శ్రీనివాస్ రెడ్డి ప్రయత్నాలు చేస్తున్నారు. భట్టి తన భార్య కోసం.. పొంగులేటి తన సోదరుడికి టికెట్ కోరుతున్నారు.

కాంగ్రెస్ అభ్యర్థులు

పెద్దపల్లి- గడ్డం వంశీకృష్ణ
మల్కాజ్ గిరి - సునీతా మహేందర్ రెడ్డి
సికింద్రాబాద్ - దానం నాగేందర్
చేవెళ్ల -డాక్టర్ గడ్డం రంజిత్ రెడ్డి
నాగర్ కర్నూల్ - డాక్టర్ మల్లు రవి
నల్గొండ - రఘువీర్ రెడ్డి
జహీరాబాద్ - సురేశ్ షెట్కర్
మహబూబాబాద్(ఎస్టీ)- బలరామ్ నాయక్
మహబూబ్ నగర్ - వంశీ చందర్ రెడ్డి
ఆదిలాబాద్‌ (ఎస్టీ) - ఆత్రం సుగుణ
నిజామాబాద్‌ - తాటిపర్తి జీవన్‌ రెడ్డి
మెదక్‌ - నీలం మధు
భువనగిరి - చామల కిరణ్‌ కుమార్‌ రెడ్డి

మరోవైపు రాష్ట్రంలో ఎలాంటి అంతరాయం లేకుండా విద్యుత్ సరఫరా చేయాలని సీఎం రేవంత్ అధికారులను ఆదేశించారు. అలాగే తాగు నీటి కొరత రాకుండా చూసుకోవాలని స్పష్టం చేశారు. శనివారం సచివాలయంలో వివిధ శాఖలకు సంబంధించిన అధికారులతో సీఎం సమీక్ష నిర్వహించారు. ఎండకాలం దృష్టిలో ఉంచుకుని చర్యలు తీసుకోవాలని సూచించారు.

English summary

Congress will announce candidates for the remaining four seats in Telangana. Revanth Reddy and Bhatti Vikramarka will go to Delhi for this.