గన్ మిస్ ఫైర్ : ప్రభుత్వ విప్ ఓదెలు సెక్యూరిటీ మృతి

మందమర్రి : ఆదిలాబాద్ జిల్లా మందమర్రిలో విషాదం చోటు చేసుకుంది. ప్రభుత్వ విప్, చెన్నూరు నియోజకవర్గ ఎమ్మెల్యే నల్లాల ఓదెలు వద్ద వ్యక్తిగత సెక్యూరిటీగా పనిచేస్తున్న గంగాధర్ అనే కానిస్టేబుల్, గన్ మిస్ ఫైర్ అవడంతో మృతి చెందాడు.

వివరాల్లోకి వెళ్తే.. ఈ ఉదయం నల్లాల ఓదెలు ఇంటి వద్ద విధులు నిర్వరిస్తున్న కానిస్టేబుల్ గంగాధర్, గన్ ను క్లీన్ చేసుకుంటున్న సమయంలో అకస్మాత్తుగా గన్ పేలడంతో మృతి చెందినట్టుగా సమాచారం. గంగాధర్ కడుపులోకి బుల్లెట్ దూసుకెళ్లడంతో తీవ్ర రక్త స్రావమైంది.

కాగా.. వెంటనే స్పందించిన ఎమ్మెల్యే నల్లాల ఓదెలు, కానిస్టేబుల్ గంగాధర్ ను రామక్రిష్ణాపూర్ ఏరియా ఆసుపత్రికి తరలించారు. అయితే అప్పటికే పరిస్థితి విషమించడంతో గంగాధర్ మృతి చెందాడు. ఘటనకు సంబంధించిన పూర్తి వివరాలు ఇంకా తెలియాల్సి ఉంది. కేసు నమోదు చేసుకున్న పోలీసులు దర్యాప్తు ప్రారంభించారు.

English summary

Armed Reserve Constable Gangadhar, currently on security duty of Government Whip Nallala Odelu, died after his gun misfired while on duty at Odelu's residence at Mandamarri in Adilabad district.Sources said Gangadhar was posted on duty at Odelu's residence and was cleaning up the gun when it suddenly went off. The bullet pierced through the abdomen of Gangadhar. He was immediately rushed to the Singareni Government Hospital, where he was declared brought dead. The police registered a case and took up investigation.