'నా ఆటో ఇవ్వకపోతే పామును వదులుతా..' పోలీసులకు చుక్కలు చూపించాడు..!

మద్యం మత్తులో ఓ ఆటో డ్రైవర్ వీరంగం సృష్టించాడు. మద్యం సేవించి ఆటో నడిపిన కారణంగా ట్రాఫిక్ పోలీసులు అతని ఆటోను సీజ్ చేశారు. దాంతో రెచ్చిపోయిన ఆటో డ్రైవర్ ఆటోలో నుంచి పామును తీసుకొచ్చి పోలీసులను భయపెట్టాడు. ఆటో వదిలేయకుంటే పామును వదులుతానని బెదిరింపులకు పాల్పడ్డాడు. హైదరాబాద్‌ లోని చాంద్రాయణగుట్టలో ఈ షాకింగ్ ఘటన జరిగింది. ప్రస్తుతం ఈ వీడియో సోషల్ మీడియాలో వైరల్ గా మారింది.

హైదరాబాద్ లోని చాంద్రాయనగుట్టలో షాకింగ్ ఘటన జరిగింది. మద్యం మత్తులో ఓ ఆటో డ్రైవర్ రెచ్చిపోయాడు. పోలీసులు డ్రంక్ అండ్ డ్రైవ్ తనిఖీలు చేపట్టగా మద్యం మత్తులో ఓ ఆటో డ్రైవర్ వాహనాన్ని నడుపుతున్నట్లు గుర్తించారు. అతడికి డ్రంక్ అండ్ డ్రైవ్ టెస్టులో 150 రీడింగ్ వచ్చింది. దీంతో అతడిపై కేసు నమోదు చేసిన పోలీసులు ఆటోను సీజ్ చేశారు.

దీంతో ఆ ఆటో డ్రైవర్ పోలీసులపై రెచ్చిపోయాడు. మద్యం మత్తులో పోలీసులపై బెదిరింపులకు పాల్పడ్డాడు. ఆటో లోంచి పామును తీసి రచ్చ రచ్చ చేశాడు. నా ఆటో ఇవ్వకపోతే పామును వదులుతా అంటూ హల్ చల్ చేశాడు. దాంతో అప్రమత్తమైన పోలీసులు.. అతన్ని పట్టుకునేలోపే.. పాముతో సహా అక్కడి నుంచి పరారయ్యాడు. ఈ ఘటనపై పోలీసులు స్పందిస్తూ.. అతడిపై చట్టపరమైన చర్యలు తీసుకుంటామని తెలిపారు. అయితే ప్రస్తుతం ఈ ఘటనకు సంబంధించిన వీడియో సామాజిక మాధ్యమాల్లో వైరల్ అవుతోంది.

Drunk Auto Driver Triggers Chaos at #Chandrayangutta by Threatening Cops with Snake

Tension prevailed at the Chandrayangutta crossroads in #Hyderabad’s Old City on Friday during a routine drunk-driving enforcement drive, after an auto-rickshaw driver created chaos by threatening… pic.twitter.com/HGcsuVdcDE

— BNN Channel (@Bavazir_network) January 4, 2026

ఇక ఇటీవల న్యూ ఇయర్ సందర్భంగా హైదరాబాద్ నగరం వ్యాప్తంగా ట్రాఫిక్ పోలీసులు విస్తృతంగా డ్రంక్ అండ్ డ్రైవ్ టెస్టులు చేసిన విషయం తెలిసిందే. నిబంధనలు ఉల్లంఘించి వాహనం నడిపిన వారిపై కేసులు నమోదు చేశారు. 3 కమిషనరేట్ల పరిధిలో 2,731 మందిపై డ్రంక్ అండ్ డ్రైవ్ కేసులు నమోదయ్యాయి. అలాగే నూతన సంవత్సరం సందర్భంగా రాష్ట్రంలో భారీగా మద్యం అమ్మకాలు జరిగాయి. గత ఆరు రోజుల్లో రాష్ట్రంలో రూ.1,350 కోట్ల మద్యం విక్రయించినట్లు తాజా లెక్కల ద్వారా స్పష్టం అవుతోంది.