భూపతిరెడ్డిపై అనర్హత వేటు: స్థానిక సంస్థల ఎమ్మెల్సీ ఉప ఎన్నికకు షెడ్యూల్ విడుదల

హైదరాబాద్: నిజామాబాద్ స్థానిక సంస్థల కోటా ఎమ్మెల్సీ ఉపఎన్నికకు షెడ్యూల్ విడుదలైంది. మార్చి 12న ఇందుకు సంబంధించిన నోటిఫికేషన్ విడుదల కానుంది. ఈ మేరకు ఎన్నికల సంఘం గురువారం షెడ్యూల్ విడుదల చేసింది.

మార్చి 19 వరకు అభ్యర్థులు నామినేషన్లు దాఖలు చేయవచ్చు. 20న నామినేషన్ల పరిశీలన జరుగుతుంది. ఏప్రిల్ 7న ఉదయం 8 గంటల నుంచి సాయంత్రం 4 గంటల వరకు పోలింగ్ జరగనుంది.

ఏప్రిల్ 9న ఓట్ల లెక్కింపు జరగనుంది. ఏప్రిల్ 13 వరకు ఈ ఎన్నికకు సంబంధించిన ప్రక్రియ ముగుస్తుందని ఎన్నికల సంఘం అధికారులు వెల్లడించారు. భూపతిరెడ్డిపై అనర్హత వేటు కారణంగా ఖాళీ అయిన ఎమ్మెల్సీ స్థానానికి ఈ ఎన్నిక జరుగనుంది.

టీఆర్ఎస్ తరపున ఎన్నికైన భూపతిరెడ్డి.. అనంతరం కాంగ్రెస్ పార్టీలోకి ఫిరాయించారు. ఈ క్రమంలో ఆయనపై శాసనమండలి ఛైర్మన్ అనర్హత వేటు వేశారు. దీంతో అనర్హత వేటుపై భూపతిరెడ్డి హైకోర్టును ఆశ్రయించారు. అయితే ఛైర్మన్ నిర్ణయాన్ని ధర్మాసనం సమర్థించింది. ఈ నేపథ్యంలోనే ఆ స్థానానికి ఏప్రిల్ 7న ఎన్నిక జరుగుతోంది.

English summary

election commission releases nizamabad mlc bypoll schedule.