కెసిఆర్, కెటిఆర్, హరీష్ కాల్ లిస్టులు తీయండి: ఎర్రబెల్లి డిమాండ్

వరంగల్‌: తమ పార్టీ నేతలను తెలంగాణ ముఖ్యమంత్రి కె. చంద్రశేఖర రావు, మత్రులు కెటి రామరావు, హరీష్‌రావు ప్రలోభపెట్టి కొన్నారని తెలంగాణ తెలుగుదేశం పార్టీ నేత ఎర్రబెల్లి దయాకర్‌రావు మండిపడ్డారు. వారి ఫోన్‌ లిస్టును బయటకు తీయాలని ఫిర్యాదు చేసినా తమను పట్టించుకోవడం లేదని ఆయన శుక్రవారం మీడియా ప్రతినిధుల సమావేశంలో ఆరోపించారు.

తలసాని శ్రీనివాస యాదవ్‌కు మంత్రి పదవి ఆశపెట్టి పార్టీలోకి లాక్కున్నారన్నారు. వరంగల్‌ జిల్లా జెడ్పీటీసీలను లక్షలిచ్చి కొన్నారన్నారు. అవినీతిలో పండిన కేసీఆర్‌ నీతిమంతుడిలా మాట్లాడుతున్నారని ధ్వజమెత్తారు. ప్రభుత్వం మీది కాబట్టి తమ ఫిర్యాదు పట్టించుకోలేదన్నారు. కేసీఆర్‌ ప్రభుత్వానికి వ్యతిరేకంగా ఆందోళనలు చేస్తామని ఎర్రబెల్లి తెలిపారు.

చర్చిలకు, మసీదులకూ ఇవ్వండి

ఇదిలావుంటే, కేసీఆర్‌ పాలన రాజ్యాంగ స్ఫూర్తికి విరుద్ధంగా సాగుతుందని మందకృష్ణ ఆరోపించారు. హిందూ దేవాలయాలను మాత్రమే సందర్శించి వాటి అభివృద్ధికి వందల కోట్ల రూపాయలు ప్రకటిస్తున్నారని ఆయన విమర్శించారు. లింగ, మత వివక్షతతో కేసీఆర్‌ పాలన సాగిస్తున్నారని ఆయన దుయ్యబట్టారు.

వేములవాడ, యాదాద్రి మాదిరిగానే మెదక్‌ చ ర్చ్‌, మక్కా మస్జీద్‌ల అభివృద్ధికి కూడా వంద కోట్ల రూపాయలు ఇవ్వాలని ఆయన డిమాండ్‌ చేశారు. భారత రాజ్యాంగం ప్రకారం మనది సెక్యులర్‌ రాజ్యమని, కాని కే సీఆర్‌ దానికి విరుద్ధంగా మతప్రచారకుడిలా వ్యవహరిస్తున్నారని మంద కృష్ణ విమర్శించారు.

English summary

Telugudesam party (TDP) Telangana leader Errabelli Dayakar Rao demanded call lists of K Chandrasekhar rao, KT Rama Rao and Harish Rao.