టీచర్ పేరుతో ఫేస్ బుక్ ఖాతా తెరిచి అశ్లీల చిత్రాలు పోస్ట్, చివరికిలా...

టీచర్ పేరుతో ఫేస్ బుక్ అకౌంట్ ను ఓపెన్ చేసి అశ్లీల చిత్రాలు పోస్ట్ చేశాడు ఓ విద్యార్థి. ఈ విషయాన్ని గుర్తించిన పాఠశాల పూర్వవిద్యార్థులు అతడిని బెదిరించడంతో ఆత్మహత్య చేసుకొన్నాడు.ఈ ఘటనలో ఐదుగురు విద్య

హైదరాబాద్: టీచర్ పేరుతో ఫేస్ బుక్ అకౌంట్ ను ఓపెన్ చేసి అశ్లీల చిత్రాలు పోస్ట్ చేశాడు ఓ విద్యార్థి. ఈ విషయాన్ని గుర్తించిన పాఠశాల పూర్వవిద్యార్థులు అతడిని బెదిరించడంతో ఆత్మహత్య చేసుకొన్నాడు.ఈ ఘటనలో ఐదుగురు విద్యార్థులను పోలీసులు అరెస్టు చేశారు.

గత నెల 30వ, తేదిన ఇంజాపూర్ ప్రభుత్వ పాఠశాలలో పదో తరగతి చదివే విద్యార్థి మార్గం సాయికుమార్ హాస్తినాపురం నార్త్ ఎక్స్ టెన్షన్ లోని తన ఇంట్లో ఉరేసుకొని ఆత్మహత్య చేసుకొన్నాడు.

అయితే తన కొడుకు ఆత్మహత్యకు గల కారణాలను బయటపెట్టాలని తల్లిదండ్రులు రాచకొండ కమిషనర్ మహేష్ భగవత్ ను కలిసి కోరారు.దీంతో పోలీసులు విచారణను ప్రారంభించారు.

సాయికుమార్ పాఠశాలకు చెందిన ఓ ఉపాధ్యాయురాలి పేరుతో ఫేస్ బుక్ అకౌంట్ ను ఓపెన్ చేశాడు.ఈ పేస్ బుక్ అకౌంట్ లో అశ్లీల చిత్రాలను పోస్ట్ చేసేవాడు. ఈ విషయం కొందరు పాఠశాలకు చెందిన పూర్వ విద్యార్థులకు తెలిసింది.

దీంతో ఆ విద్యార్థులు సాయికుమార్ ను పిలిచి బెదిరించారు. ఉపాధ్యాయురాలి పేరుతో ఎందుకు ఫేస్ బుక్ అకౌంట్ ఓపెన్ చేశామని అడిగారు.అంతేకాదు నెట్ సెంటర్ కు తీసుకెళ్ళి ఫేస్ బుక్ అకౌంట్ ను తొలగించారు.

అయితే ఈ విషయమై సాయికుమార్ భయపడ్డాడు. ఇంట్లో ఎవరూ లేని సమయంలో సాయికుమార్ ఉరివేసుకొని ఆత్మహత్య చేసుకొన్నాడు. దీంతో పోలీసులు సాయికుమార్ ను బెదిరించిన ఐదుగురు విద్యార్థులను మంగళవారం నాడు అరెస్టు చేశారు.

English summary

Five arrested for student suicide in Hyderabad.saikumar studying 10th class student, he was posted abusing photos on facebook in the name of his teacher. saikumar friends threatned him.