ఫాక్స్‌కాన్ మరో భారీ పెట్టుబడి: ఇది ‘తెలంగాణ స్పీడ్’ అంటూ కేటీఆర్

హైదరాబాద్: తెలంగాణ రాష్ట్రానికి పెట్టుబడుల ప్రవాహం కొనసాగుతోంది. తాజాగా, తైవాన్‌కు చెందిన పాక్స్‌కాన్(Foxconn) సంస్థ తెలంగాణలో మరో 400 మిలియన్ డాలర్ల పెట్టుబడి పెట్టేందుకు సిద్ధమైంది. ఈ విషయాన్ని ఫాక్స్‌కాన్ భారత ప్రతినిధి వీ లీ సోషల్ మీడియా వేదికగా వెల్లడించారు. కాగా, గతంలో కుదుర్చుకున్న 150 మిలియన్ డాలర్ల ఒప్పందానికి ఇది అదనం. దీంతో ఆ సంస్థ మొత్తం 550 మిలియన్ డాలర్లు పెట్టుబడిగా పెట్టనుంది.

ఫాక్స్‌కాన్ తాజా నిర్ణయంపై మంత్రి కేటీఆర్ హర్షం వ్యక్తం చేశారు. ప్రపంచ ప్రముఖ సర్వీస్ ప్రొడైవర్ సంస్థ ఫాక్స్‌కాన్‌తో తమకు దృఢమైన బంధానికి నిదర్శనమని కేటీఆర్ ట్వీట్ చేశారు. ఇరువురి మధ్య పరస్పర అవగాహన కొనసాగుతోందని తెలిపారు. తెలంగాణలో ఫాక్స్‌కాన్ ఇచ్చిన హామీని నిలబెట్టుకుంటోందన్నారు.

తెలంగాణ స్పీడ్‌కు ఇది మరో నిదర్శనమని కేటీఆర్ వ్యాఖ్యానించారు. ఈ పెట్టుబ‌డులు తెలంగాణ అభివృద్ధిని రుజువు చేస్తున్నాయ‌ని కేటీఆర్ త‌న ట్వీట్‌లో పేర్కొన్నారు. కాగా, ఫాక్స్‌కాన్‌తో ఇది వరకే తెలంగాణ ప్రభుత్వం ఒప్పందం చేసుకున్న విషయం తెలిసిందే. ఇందులో భాగంగా రంగారెడ్డి జిల్లా కొంగరకలాన్‌లో ఎలక్ట్రానిక్స్ మానుఫ్యాక్చరింగ్ ప్లాంట్ ఏర్పాటుకు ఈ ఏడాది మేలో శంకుస్థాపన జరిగింది.

Our friendship with Foxconn Group remains steadfast, each of us delivering on mutual commitments

With total infusement of 0m (adding previous 0m), FIT is poised to deliver on its promises in Telangana

This once again proves Telangana Speed pic.twitter.com/DOssnhmyRo

— KTR (@KTRBRS) August 12, 2023

ఈ యూనిట్‌లో రూ.1,656 కోట్ల పెట్టుబడులు పెట్ట‌నుంది ఫాక్స్ కాన్. ఈ నిర్మాణ పనులకు మే 15న కేటీఆర్ భూమి పూజ చేసిన సంగ‌తి తెలిసిందే. ప్రతిపాదిత ప్లాంట్ ఫాక్స్‌కాన్ ఇంటర్‌కనెక్ట్ ఇంటర్ కనెక్ట్ టెక్నాలజీ కార్యకలాపాల తెలంగాణలోని కార్యకలాపాలకు కేంద్రంగా పనిచేయడంతోపాటు సంస్థ తన ఉత్పత్తి సామర్థ్యాన్ని విస్తరించేందుకు వీలు కల్పిస్తుందని ఫాక్స్‌కాన్‌ పేర్కొంది. ఫాక్స్‌కాన్‌ పెట్టుబడి ద్వారా 25 వేల మందికి ప్రత్యక్షంగా ఉద్యోగాలు లభిస్తాయని గతంలో కేటీఆర్ తెలిపారు.

English summary

Foxconn ups investment in Telangana state to $550 million.