'అన్నా మా పార్టీలోకి వచ్చేయ్', 'నీవే మా పార్టీలోకి రా మంచి పొజిషన్ ఇప్పిస్తా'

Posted By:
Subscribe to Oneindia Telugu

హైదరాబాద్: అన్నా...మళ్ళీ మా పార్టీలోకి వచ్చేయ్ అని కల్వకుర్తి ఎమ్మెల్యే వంశీచంద్‌రెడ్డి మిర్యాలగూడ ఎమ్మెల్యే భాస్కర్‌రావును ఆహ్వనించారు.దీంతో ఇద్దరు ఎమ్మెల్యేల మధ్య ఆసక్తికర సంభాషణ చోటుచేసుకొంది.

తెలంగాణ అసెంబ్లీ ప్రాంగణంలో మిర్యాలగూడ ఎమ్మెల్యే భాస్కర్ రావు, కల్వకుర్తి ఎమ్మెల్యే వంశీచందర్ రెడ్డి మధ్య మంగళవారం నాడు ఆసక్తికర సంభాషణ జరిగింది. కొంతకాలం క్రితం భాస్కర్ రావు కాంగ్రెస్ పార్టీని వీడి టిఆర్ఎస్‌లో చేరారు.

Funny conversation between Kalwakurthy MLA Vamshichand Reddy , Miryalaguda MLA Bhasker Rao

అయితే "అన్నా..మళ్ళీ మా పార్టీలోకొచ్చేయ్ అని వంశీ చందర్‌రెడ్డి ఎమ్మెల్యే భాస్కర్ రావును ఆహ్వానించారు. ఇందుకు స్పందించిన భాస్కర్ రావు.. అందరూ టీఆర్‌ఎస్‌లోకి వచ్చే వాళ్లేనని ఆయన బదులిచ్చారు. అంతే కాదు నువ్వే మా పార్టీలోకి వచ్చెయ్.. యంగ్ లీడర్ కేటీఆర్ టీమ్‌లో నీకు మంచి పొజిషన్ ఉంటుంది" అని భాస్కర్ రావు ఎమ్మెల్యే వంశీచంద్‌రెడ్డికి సూచించారు.

అయితే "నేను కారెక్కలేను కానీ.. మీరే మా పార్టీలోకి రావాలి" అని భాస్కర్ రావును ఎమ్మెల్యే వంశీ చందర్‌రెడ్డి మరోసారి ఆహ్వానించారు. అసెంబ్లీ సమావేశాలు ప్రారంభమైన నాటి నుంచీ అధికార, ప్రతిపక్ష పార్టీ ఎమ్మెల్యేల మధ్య ఇలాంటి ఆసక్తికర చర్చలు సాగుతున్నాయి.

సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!

English summary
Funny conversation between Kalwakurthy MLA Vamshichand Reddy Miryalaguda MLA Bhasker rao on Tuesday at Assembly lobby.
Please Wait while comments are loading...