సినిమాల్లో అవకాశం ఇస్తామని బాలికపై ముగ్గురు రేప్
సినిమాల్లో అవకాశం కల్పిస్తామని ఆశ పెట్టి, ముగ్గురు వ్యక్తులు ఓ బాలికపై లైంగిక దాడికి పాల్పడ్డారు. అయితే, ఈ విషయాన్ని పోలీసులు అధికారికంగా ధ్రువీకరించడం లేదు.
హైదరాబాద్: సినిమాల్లో నటించే అవకాశం ఇస్తామని నమ్మించి ఓ బాలికపై దుండగులు లైంగిక దాడి చేశారు. విషయం ఎవరికైనా చెప్తే చంపేస్తామని బెదిరించారు. అయితే, చివరకు విషయం తెలుసుకున్న బాలిక తల్లిదండ్రులు పోలీసులకు ఫిర్యాదు చేయడంతో వారు ముగ్గురిని అదుపులోకి తీసుకొని విచారిస్తున్నారు.
ఈ సంఘటనను పోలీసులు ఇంకా అధికారికంగా ధ్రువీకరించలేదు. పశ్చిమ గోదావరి జిల్లాకు చెందిన ఓ కుటుంబం హైదరాబాద్ నగరంలో నివాసం ఉంటుంది. వీరికి తొమ్మిదో తరగతి చదువుకున్న కుమార్తె ఉంది. బాలికకు సినిమాల్లో నటించాలనే కోరిక ఉంది. ఇది తెలుసుకున్న ముగ్గురు యువకులు ఓ పథకం వేశారు.
వారం క్రితం బాలిక ఇంట్లో ఎవరూ లేని సమయంలో వెళ్లి సినిమాల్లో అవకాశాలు ఇప్పిస్తామని నమ్మబలికారు. మాటలు చెబుతూ బాలికపై లైంగిక దాడికి పాల్పడ్డారు. బయటకు చెబితే చంపేస్తామని బెదిరించారు.
బాలిక ఏదో బాధపడుుతన్నట్లు ఉంటుండటంతో తల్లిదండ్రులు గట్టిగా అడగగా అసలు విషయం చెప్పింది. దీంతో వారు బంజారాహిల్స్ పోలీసులను ఆశ్రయించారు. దాంతో పోలీసులు ముగ్గురు యువకులను అదుపులోకి తీసుకొని విచారిస్తున్నారు.
Click it and Unblock the Notifications
Sign in with Google