Harish Rao: హరీశ్ రావుకు షాక్.. మాజీ పీఏ అరెస్ట్..

సీఎంఆర్ఎఫ్ చెక్కుల్లో గోల్ మార్ జరిగినట్లు మీడియాలో కథనాలు వచ్చాయి. ఇందుకు సంబంధించి హైదరాబాద్ జూబ్లీహిల్స్ పోలీస్ స్టేషన్ లో కేసు నమోదు చేశారు. ఈ కేసులో తాజాగా కొందరిని అరెస్ట్ చేశారు. అరెస్టయిన వారిలో మాజీ ఆరోగ్య శాఖ మంత్రి, సిద్దిపేట ఎమ్మెల్యే హరీశ్ రావు పాత పీఏ నరేష్ కుమార్ ఉన్నారు. నరేష్ తో పాటు మరో ముగ్గురిని పోలీసులు అదుపులోకి తీసుకున్నారు.

మెదక్ జిల్లాకు చెందిన రవి నాయక్ ఫిర్యాదుతో పోలీసులు కేసు కేసు నమోదు చేసినట్లు తెలిసింది. గతంలో మంత్రిగా ఉన్న హరీశ్ రావుకు పీఏగా వ్యవహరించిన జె.నరేశ్ కుమార్, కొర్లపాటి వంశీ, బాలగోని వెంకట్ గౌడ్, ఓంకార్ లను పోలీసులు అరెస్ట్ చేశారు. వీరి పేర్లను ఎఫ్ఐఆర్ లో చేర్చారు. వీరంతా ఎలాంటి మెడికలు బిల్లులు లేకుండానే సీఎంఆర్ఎఫ్ చెక్కులు తీసుకున్నట్లు వీరిపై ఆరోపణలు ఉన్నాయి.

అంతే కాకుండా సీఎంఆర్ఎఫ్ దరఖాస్తు చేసుకున్న వారి పేరుతో మరొకరికి కూడా చెక్కులు అందించినట్లు ఆరోపణలు వచ్చాయి. ఉదాహరణకు సంచి హరికృష్ణ సీఎంఆర్ఎఫ్ దరఖాస్తు చేసుకున్నారు. అయితే ఆయన వచ్చి చెక్కుపై ఇంటి పేరు వేయకుండా ఎస్ హరికృష్ణ అని చెక్ ఇస్తారు. ఇలా ఎస్ హరికృష్ణ పేరు వేరే వ్యక్తికి చెక్ ఇస్తారు. అతనికి కొంత డబ్బు ఇచ్చి మిగతావి వీరు తీసుకుంటారు.

ఇప్పటికే ఫోన్ ట్యాపింగ్ కేసు బీఆర్ఎస్ కు ఇబ్బందిగా మారినట్లు చెబుతున్నారు. తాజాగా హరీశ్ రావు పీఏ చేసిన వ్యక్తి అరెస్ట్ కావడంతో బీఆర్ఎస్ చర్ఛనీయంశంగా మారింది. ఈ కేసులో మరిన్ని అరెస్టులు కూడా ఉండే అవకాశం ఉన్నట్లు తెలుస్తోంది. గత ప్రభుత్వం జరిగిన అక్రమాలపై ప్రభుత్వ దృష్టి పెట్టడంతో ఒక్కొక్కటిగా బయట పడుతున్నాయి.

English summary

Harish Rao's previous PA has been arrested by the police. Arrested for committing irregularities in CMRF.