వ్యక్తిగత ఇబ్బందులు వస్తాయని అనుకోలేదు: రేవంత్ రెడ్డి భార్య గీత

By Pratap

Updated: Tuesday, June 30, 2015, 13:31 [IST]

హైదరాబాద్: ప్రతిపక్షంలో ఉండి పోరాటం చేస్తున్నప్పుడు రాజకీయపరమైన ఇబ్బందులు వస్తాయని అనుకున్నాం గానీ వ్యక్తిగత ఇబ్బందులు వస్తాయని ఊహించలేదని తెలంగాణ తెలుగుదేశం పార్టీ శాసనసభ్యుడు రేవంత్ రెడ్డి సతీమణి గీత అన్నారు. రేవంత్ రెడ్డికి బెయిల్ మంజురైన తర్వాత ఆమె మంగళవారంనాడు మీడియాతో మాట్లాడారు.

చాలా మంది తమకు మద్దతు పలికారని ఆమె చెప్పారు. తమను అదరించిన ప్రతి ఒక్కరికీ కృతజ్ఝతలు తెలుపుతున్నామని ఆమె చెప్పారు. ప్రజా సమస్యలపై రేవంత్ రోడ్డు దూకుడు తగ్గించబోరని ఆమె విశ్వాసం వ్యక్తం చేసఆరు. దెబ్బ తగిలినప్పుడే మనిషి రాటు దేలుతాడని అన్నారు. బలం అందించడానికి కాకాపోయినా బలహీనపడకుండా తాను రేవంత్ రెడ్డిని చూసుకుంటానని ఆమె చెప్పారు.

He will fight, family supports: Revanth Reddy's wife Geetha

రాజకీయాల్లో అటుపోట్లు సహజమని, వాటిని తట్టుకుని నిలబడాలని ఆమె అన్నారు. పార్టీ అధినేత చంద్రబాబు నాయుడు మద్దతు ఇస్తామని హామీ ఇచ్చినట్లు ఆమె తెలిపారు. ప్రతిపక్ష నేతగా పోరాటం చేస్తారనే పేరు రేవంత్ రెడ్డికి ఉందని, ఆ పేరును రేవంత్ రెడ్డి నిలబెట్టుకుంటారని గీత అన్నారు.

ప్రజా సమస్యలపై రేవంత్ రెడ్డి వెనక్కి తగ్గుతారని తాను అనుకోవడం లేదని, సమస్య వచ్చింది దాన్ని ఎలా ఎదుర్కోవాలనేది చూసుకుంటామని అన్నారు. తాను మాత్రమే కాకుండా తమ కుటుంబ సభ్యులందరూ రేవంత్ రెడ్డికి అండగా నిలుస్తారని ఆమె చెప్పారు. రేవంత్ రెడ్డి దూకుడుగా కనిపించినా సున్నిత మనస్కుడని గీత అన్నారు. తమ వివాహమైన తర్వాత రేవంత్ రెడ్డి ఇంతకు ముందు ఎప్పుడు కూడా ఇంతకాలం తమ కుటుంబానికి దూరంగా లేరని ఆమె చెప్పారు.