మెదక్‌లో కుప్పకూలిన హెలిక్యాప్టర్, సురక్షితంగా బయటపడ్డ పైలెట్లు

తెలంగాణలోని సిద్ధిపేటలో శుక్రవారం మధ్యాహ్నం రాజీవ్ రహదారిపై ఓ హెలికాప్టర్ కూలిపోయింది.హెలిక్యాప్టర్ నుండి ఇద్దరు పైలెట్లు సురక్షితంగా బయటపడ్డారు. హెలిక్యాప్టర్ పూర్తిగా దగ్దమైంది

సిద్దిపేట: తెలంగాణలోని సిద్ధిపేటలో శుక్రవారం మధ్యాహ్నం రాజీవ్ రహదారిపై ఓ హెలికాప్టర్ కూలిపోయింది.హెలిక్యాప్టర్ నుండి ఇద్దరు పైలెట్లు సురక్షితంగా బయటపడ్డారు. హెలిక్యాప్టర్ పూర్తిగా దగ్దమైంది.ఈ ఘటనతో స్థానికులు భయాందోళనలకు గురయ్యారు.

సిద్ధిపేట జిల్లా కొండపాక మండలం దుద్దెడ సమీపంలో ఈ ప్రమాదం జరిగింది. కొత్తగా నిర్మించిన కలెక్టర్ కార్యాలయంలో ఈ ఘటన చోటు చేసుకుంది. ఈ ఘటనలో హెలికాప్టర్ పూర్తిగా దగ్ధమైంది. ప్రమాదంలో ఇద్దరు పైలెట్లకు స్వల్ప గాయాలయ్యాయి.

పారాచ్యూట్ సహాయంతో పైలెట్లు క్షేమంగా బయటపడ్డారు. వీరిలో ఒక మహిళ కూడా ఉన్నారు. ఇది ట్రైనింగ్ హెలికాప్టర్ గా తెలుస్తోంది. ఈ ప్రమాదానికి సంబంధించి మరిన్ని వివరాలు తెలియాల్సి ఉంది.ః

హకీంపేట ఎయిర్‌పోర్స్ విమానాశ్రయం నుండి ఈ శిక్షణ విమానం బయలుదేరిందని అధికారులు చెబుతున్నారు. అయితే దుద్దెడకు సమీపంలోనే ఈ హెలిక్యాప్టర్ కూలిపోయింది. కారణాలు తెలియాల్సి ఉందని అధికారులు తెలిపారు. పైలెట్లను సిద్దిపేట ప్రభుత్వాసుపత్రికి తరలించి చికిత్స చేస్తున్నారు.

English summary

Army helicopter collapsed in medak district on Friday. two pilots safely escaped from parachute this incident . they were shifted to Siddipeta hospital.