ముంబై తర్వాత హైదరాబాద్..హ్యాట్సాఫ్ టూ కేటీఆర్..!
హైదరాబాద్ భారతదేశంలో ఇప్పుడు డెస్టినేషన్ సిటీ. దేశంలోని మెట్రో నగరాల అభివృద్ధిని లెక్కిస్తే హైదరాబాద్ది ఎప్పుడూ ప్రత్యేకమే. ప్రపంచంలో ఎత్తైన నగరాలకు న్యూయార్క్ ప్రసిద్ధి. అందులోనూ మాన్హాటన్ నగరం వందేళ్ల క్రితమే ఈ ఆకాశ హర్మ్యాలకు వేదికగా ఉంది. ప్రపంచ ఆర్థిక నగరంగా పేరుగాంచిన న్యూయార్క్ను పోలిన హౌరైజ్ భవనాలకు ఇప్పుడు హైదరాబాద్ కేరాఫ్గా మారింది.
కోకాపేటలో 236 మీటర్ల ఎత్తులో 58 అంతస్తుల సాస్ భవనం ఇప్పుడు హైదరాబాద్లో అత్యంత ఎత్తైనదిగా రికార్డు సొంతం చేసుకోగా, 25-45 అంతస్తులతో 63 భవనాలు ఉంటే, నిర్మాణ దశలో మరో 60 భవనాలు ఉండటం హైదరబాద్ ఎంతగా విస్తరిస్తోందో చెప్పడానికి నిలువెత్తు నిదర్శనం. ఆకాశానికి నిచ్చెన వేసినట్టుగా ఉండే ఈ భవంతులు హైదరాబాద్ అభివృద్ధికి సజీవ చిహ్నాలుగా మారాయి. ప్రముఖ రియల్ ఎస్టేట్ సర్వీసెస్ సంస్థ కోల్డ్వెల్ బ్యాంకర్ రిచర్డ్ ఎల్లిస్ (సీబీఆర్ఈ) ఏషియన్ ప్రైవేటు లిమిటెడ్ ప్రపంచవ్యాప్తంగా ఉన్న నగరాల్లోని ఎత్తయిన భవనాలపై సర్వే నిర్వహించగా.. భారతదేశంలో ముంబై తర్వాత అత్యధికంగా ఎత్తయిన భవనాలు ఉన్న నగరంగా హైదరాబాద్ గుర్తింపు పొందింది.
ముంబయ్ తరువాత మన హైదరాబాదే
సీబీఆర్ఈ ఏషియన్ ప్రైవేటు లిమిటెడ్ ప్రపంచంలోని అనేక నగరాల్లో ఎత్తయిన భవనాలపై సర్వే నిర్వహించింది. ఈ మేరకు 'స్కై ఈజ్ లిమిట్... రైజ్ ఆఫ్ టాలెస్ట్ బిల్డింగ్స్ ఇన్ ఇండియా' పేరిట ఇటీవల నివేదిక విడుదల చేసింది. ప్రస్తుతం ప్రపంచంలోనే ఎత్తయిన భవనాలు అత్యధికంగా ఉన్న నగర జాబితాలో హాంకాంగ్ మొదటి స్థానంలో నిలిచింది. షెన్ఝెన్, న్యూయార్క్, దుబాయ్ ఇలా అనేక నగరాలు తదుపరి స్థానాల్లో ఉన్నాయి.
ఇండియాలో మాత్రం ఫస్ట్ ప్లేస్ ముంబై కొట్టేసింది. ప్రపంచ నగరాల జాబితాలో ముంబై 17వ స్థానాన్ని సాధించగా, ఏసియాలోని నగరాల జాబితాలో 14వ స్థానాన్ని దక్కించుకున్నది. దేశంలో ముంబై తర్వాత అత్యధికంగా ఎత్తయిన భవనాలు ఉన్న నగరాల్లో రెండో స్థానంలో హైదరాబాద్ నిలిచింది. దక్షిణ భారత మెట్రో నగరాల్లో హైదరాబాద్ మొదటి స్థానంలో ఉండగా, బెంగళూరు, చెన్నై వంటి నగరాలు దరిదాపుల్లో కూడా లేవు.
ముంబైలోని ఎత్తయిన భవనాలు నూటికి 95 శాతం నివాస సముదాయాల కోసమే వినియోగిస్తున్నారు. ఇక్కడ ఎత్తయిన భవనాల్లో కేవలం ఐదు శాతం వరకు మాత్రమే ఆఫీస్ స్పేస్కు వాడుతున్నారు. ఇదే హైదరాబాద్ విషయానికొచ్చే సరికి.. 10-15 శాతం వరకు ఆఫీస్ స్పేస్కు వినియోగిస్తుండటం మరో విశేషం. ముఖ్యంగా హైదరాబాద్ మహా నగరం ఆఫీస్ స్పేస్ కల్పనలో దేశంలోనే మొదటి స్థానంలో ఉంది.
కోకాపేటలో సరికొత్త రికార్డు సాస్ భవనం
గ్రేటర్ హైదరాబాద్ పరిధిలో అనేక ఎత్తైన భవనాలు ఉన్నా, కోకాపేటలో ఉన్న సాస్ కంపెనీ భవనం మాత్రం నగరంలోనే అత్యంత ఎత్తైనదిగా రికార్డు సొంతం చేసుకుంది. 58 ఫ్లోర్లతో 236 మీటర్ల ఎత్తులో నిర్మిస్తున్న ఈ భవనం పూర్తైతే అదే ల్యాండ్ మార్క్ కానుంది. కోకాపేట కాకుండా మిగతా ప్రాంతాల్లో 57 అంతస్తులు (200 మీటర్లు) ఒకటి, 55 అంతస్తులు (204 మీటర్లు) రెండు, 54 అంతస్తులు (214 మీటర్లు) రెండు భవనాలు నిర్మాణ దశలో ఉన్నాయి.
153 మీటర్ల ఎత్తులో 45 అంతస్తుల మేర మూడు, 42 అంతస్తుల్లో సుమారు 135 మీటర్ల ఎత్తున భవనాలు మరో మూడు నగరంలో నిర్మాణాన్ని పూర్తి చేసుకున్నాయి. 25 అంతస్తులు (105 మీటర్లు) మొదలు 36 అంతస్తులు (119 మీటర్లు) వరకు ఎత్తులో 57 భవనాలు ఇప్పటికే ఆక్యుపై అయ్యాయి. ఇలాంటి భవనాలు మరో 50కి పైగానే నిర్మాణంలో ఉన్నాయి. ముఖ్యంగా 59 అంతస్తులు (235 మీటర్లు) కోసం అధికారుల వద్ద ఒక ప్రతిపాదన ఉండగా, 40-55 అంతస్తుల కోసం దాదాపు 30కి పైగా ప్రతిపాదనలు పెండింగ్లో ఉన్నాయి.
-
ఏప్రిల్ రెండో వారంలో తెలంగాణాకు ప్రధాని మోదీ.. బీజేపీ బిగ్ ప్లాన్ ఇదే! -
HRA: హైదరాబాద్ లో ఉండే వారికి భారీ గుడ్ న్యూస్, ఏప్రిల్ 1 నుంచే.. -
రంజాన్ స్పెషల్ స్వీట్ "డబుల్ కా మీటా" ఇలా ట్రై చేస్తారా..? -
40 ఏళ్లలో లేని అతిపెద్ద పసిడి పతనం. 1983 సీన్ రిపీట్! -
పాతాళానికి బంగారం ధరలు- రంజాన్ పండగ వేళ -
తమిళనాడులో ఆ పార్టీదే అధికారం: విజయ్ రాకతో మారిన ఈక్వేషన్లు -
రేషన్ లబ్దిదారులకు కేంద్రం గుడ్ న్యూస్- మూడు నెలల కోటా ఒకేసారి పంపిణీ -
బంగారం ధరల అంచనాలు తలకిందులు -
మేషరాశి, సింహరాశి, వృశ్చిక రాశి, ధనుస్సు రాశులకు ఏప్రిల్ నెలలో రాజయోగం -
బంగాళాఖాతంపై ఆవర్తనం- ఏపీలోని ఈ జిల్లాల్లో భారీ వర్షాలు -
తులారాశి వార్షిక ఫలం 2026-27: ఈ ఏడాది వీరికి తిరుగేలేదు.. ఈ విషయంలో జాగ్రత్త! -
త్వరలో తిరుపతి, హైదరాబాద్కు నేరుగా రైళ్లు: ఆ జిల్లాకు కేంద్రమంత్రి తీపికబురు!
Click it and Unblock the Notifications
Sign in with Google