బాహుబలి2 చూడాలి! లీవ్ ఇవ్వండి!!: సోషల్ మీడియాలో కానిస్టేబుల్ లెటర్ హల్‌చల్

బాహుబలి టికెట్ల కోసం సినీ అభిమానులు చాలానే ప్రయత్నాలు చేస్తున్నారు. కాగా, వరంగల్‌ రూరల్‌ జిల్లా గీసుకొండకు చెందిన ఓ కానిస్టేబుల్‌ రాసిన ఒక లీవ్‌లెటర్‌ వాట్సప్‌లో చక్కర్లు కొడుతోంది.

వరంగల్‌): ఏప్రిల్ 28న విడుదల కానున్న 'బాహుబలి-2' మేనియాపై అంతా ఇంతా కాదు. ఎక్కడ చూసినా అదే చర్చ. ఇప్పటికే వారం రోజుల టికెట్లు అమ్ముడైపోవడం విశేషం. అంతేగాక, ప్రపంచ వ్యాప్తంగా ఈ సినిమా 8వేలకు పైగా థియేటర్లలో విడుదలవుతోంది.

బాహుబలి టికెట్ల కోసం సినీ అభిమానులు చాలానే ప్రయత్నాలు చేస్తున్నారు. కాగా, వరంగల్‌ రూరల్‌ జిల్లా గీసుకొండకు చెందిన ఓ కానిస్టేబుల్‌ రాసిన ఒక లీవ్‌లెటర్‌ వాట్సప్‌, ఇతర సోషల్ మీడియాల్లో చక్కర్లు కొడుతోంది.

'నా పేరు విజయ్‌కుమార్‌, మీ స్టేషన్‌లో కానిస్టేబుల్ని. రెండేళ్ల క్రితం బాహుబలి సినిమా చూసినప్పటి నుంచీ నాకు డ్యూటీ మీద ఏకాగ్రత కుదరట్లేదు. కారణం.. కట్టప్ప బాహుబలిని ఎందుకు చంపాడనే ప్రశ్న. ఆ ప్రశ్నకు సమాధానం తెలుసుకోవడానికి 28న నేను బాహుబలి-2 సినిమాకు వెళ్లాలనుకుంటున్నాను. నాకు ఆ రోజు క్యాజువల్‌ లీవ్ మంజూరు చేయండి' అని ఆ కానిస్టేబుల్ చెప్పినట్లు ఉంది.

అయితే, ఇది ఎంతవరకు వాస్తవమో కానీ, బాహుబలి చిత్రంపై అంచనాలు మాత్రం భారీగానే ఉన్నాయి. బాహుబలి చూసిన ప్రతీ ఒక్కరూ బాహుబలిని కట్టప్ప ఎందుకు చంపాడనే విషయం తెలుసుకునేందుకైనా బాహుబలి 2 చూడకతప్పేలా లేదు.

English summary

A constable wrote a letter to his higher authorities to provide leave on April 28th, to see Bahubali 2 cinema.