హైదరాబాద్ కు రెడ్ అలర్ట్ - జీహెచ్ఎంసీ కీలక సూచన..!!

హైదరాబాద్ తో సహా తెలంగాణలో పది జిల్లాలకు ఆరెంజ్‌ అలర్ట్‌ ప్రకటించింది హైదరాబాద్‌ వాతావరణ కేంద్రం. మరో రెండ్రోజులపాటు ఈ జిల్లాల్లో భారీ నుంచి అతి భారీ వర్షాలు కురుస్తాయని అప్రమత్తం చేసింది. హైదరాబాద్‌లో వర్షం కురుస్తున్నది. శనివారం తెల్లవారుజాము నుంచి వాన పడుతున్నది. మేడ్చల్‌-మల్కాజిగిరి జిల్లాల్లో భారీ వర్షాలు కురిసే అవకాశాలున్నాయని తెలిపింది. లోతట్టు ప్రాంతాల ప్రజలు అప్రమత్తంగా ఉండాలని జీహెచ్‌ఎంసీ అధికారులు సూచించారు.

తాజా అలర్ట్
పశ్చిమ మధ్య బంగాళాఖాతంలో తీవ్ర అల్పపీడనం ఏర్పడింది. శనివారం వాయుగుండంగా మారే అవకాశం ఉంది. దీని ప్రభావంతో రాష్ట్రంలో ఓ మోస్తారు నుంచి భారీ వర్షాలు, ఒకటి రెండు చోట్ల అతి భారీ వర్షాలు పడే అవకాశం ఉన్నదని వాతావరణ శాఖ తెలిపింది. ఆదిలాబాద్‌, కుమ్రుం భీం ఆసిఫాబాద్‌, మంచిర్యాల, జగిత్యాల జిల్లాల్లో అతి భారీ వర్షాలు కురుస్తాయని వెల్లడించింది. హైదరాబాద్ నగరంలని బంజారాహిల్స్‌, బంజారాహిల్స్‌, లక్డీకపూల్‌, నాంపల్లి, కోఠి, అమీర్‌పేట, పంజాగుట్ట, ఖైరతాబాద్‌, మెహిదీపట్నం, మలక్‌పేట, దిల్‌సుఖ్‌నగర్‌, హయత్‌నగర్‌, వనస్థలిపురంలో వర్షం కురుస్తున్నది.

నగరంలో వర్షం
హైదరాబాద్ లోని పలు ప్రాంతాల్లో రోడ్లపై వర్షపు నీరు నిలిచిపోయింది. వర్షం కురుస్తుండటంతో అక్కడక్కడ విద్యుత్‌ సరఫరా నిలిచిపోయింది. నిర్మల్‌, నిజామాబాద్‌, రాజన్న సిరిసిల్ల, కరీంనగర్‌, పెద్దపల్లి, జయశంకర్‌ భూపాలపల్లి, ములుగు, భద్రాద్రి కొత్తగూడెం, ఖమ్మం, మహబూబాబాద్‌, వరంగల్‌, హనుమకొండ, హైదరాబాద్‌, మేడ్చల్‌-మల్కాజిగిరి జిల్లాల్లో భారీ వర్షాలు కురిసే అవకాశాలున్నాయని తెలిపింది. లోతట్టు ప్రాంతాల ప్రజలు అప్రమత్తంగా ఉండాలని జీహెచ్‌ఎంసీ అధికారులు సూచించారు.

జీహెచ్ఎంసీ సూచన
నైరుతి రుతుపవనాలు సెప్టెంబర్‌ చివరి వరకూ కొనసాగే అవకాశం ఉందని వాతావరణ శాఖ అధికారులు అంచనా వేస్తున్నారు. దీని కారణంగా అక్టోబర్‌లోనూ వర్షాలు కురి సే అవకాశముందని భావిస్తున్నారు. ఈ సెప్టెంబర్‌, అక్టోబర్‌లో రుతుపవనాల వర్షపాతం లా నినా వాతావరణ పరిస్థితులకు అనుకూలంగా ఉన్నట్టు ఐఎండీ అధికారులు చెబుతున్నారు. రుతుపవనాల తిరోగమనంలో లా నినా అభివృద్ధి చెందితే.. అది ముగియడానికి చాలా సమయం తీసుకుంటుందనే అంచనాలు వెల్లడించారు.

English summary

IMD issued warning of heavy rain fall for Hyderabad for two days, GHMC Alert.