గౌతమి, సింహపురి, గోదావరి ఎక్స్‌ప్రెస్ లకు కొత్త హాల్ట్ స్టేషన్

సంక్రాంతి పండుగ రద్దీని దృష్టిలో ఉంచుకుని దక్షిణ మధ్య రైల్వే కీలక నిర్ణయం తీసుకుంది. సికింద్రాబాద్ స్టేషన్‌లో ప్రయాణీకుల రద్దీని తగ్గించడానికి జనవరి 7 నుండి 20వ తేదీ వరకు 14 రోజుల పాటు చర్లపల్లి స్టేషన్‌లో 11 రైళ్లకు తాత్కాలిక హాల్ట్ మంజూరు చేసింది. దీనికి సంబంధించిన వివరాలను వెల్లడించింది. సికింద్రాబాద్ స్టేషన్‌పై భారాన్ని తగ్గించడం, పండుగ రద్దీలో ప్రయాణీకులకు సౌలభ్యం అందించడమే ఈ చర్యల ఉద్దేశ్యం.

జనవరి 7 ఉదయం నుండి జనవరి 20 సాయంత్రం వరకు ఈ హాల్ట్ అమల్లో ఉంటుంది. ప్రస్తుతం సికింద్రాబాద్ రైల్వే స్టేషన్ లో ఆధునికీకరణ పనులు చురుగ్గా సాగుతున్న విషయం తెలిసిందే. దీనికితోడు- రోజువారీ రైళ్లతో పాటు పలు ప్రత్యేక సర్వీసులకు ఈ స్టేషన్ ప్రధాన గమ్యస్థానం కావడం వల్ల ప్రయాణికుల రద్దీ అధికంగా ఉంటోంది. ఈ క్రమంలో అందుబాటులో ఉన్న చర్లపల్లి స్టేషన్ ను వినియోగించుకోవాలని దక్షిణ మధ్య రైల్వే నిర్ణయించింది.

చర్లపల్లిలో ఆగే రైళ్లు: 12709 గూడూరు- సికింద్రాబాద్ సింహాపురి ఎక్స్‌ప్రెస్ (తెల్లవారు జామున 4:29/4:30, ప్రతిరోజు), 12737 కాకినాడ- లింగంపల్లి గౌతమి ఎక్స్‌ప్రెస్ (తెల్లవారు జామున 4:09/4:10, ప్రతిరోజు), 12763 తిరుపతి - సికింద్రాబాద్ పద్మావతి ఎక్స్‌ప్రెస్ (తెల్లవారు జామున 5:09/5:10, వారానికి 5 రోజులు), 12775 కాకినాడ టౌన్ - లింగంపల్లి సూపర్ ఫాస్ట్ ఎక్స్‌ప్రెస్ (తెల్లవారు జామున 5:59/6:00, వారానికి 3 రోజులు).

అలాగే, 12739 విశాఖపట్నం- సికింద్రాబాద్ గరీబ్‌రథ్ ఎక్స్‌ప్రెస్ (ఉదయం 7:29/7:30, ప్రతిరోజు), 17016 సికింద్రాబాద్ - భువనేశ్వర్ న్యూ విశాఖ ఎక్స్‌ప్రెస్ (సాయంత్రం 5:09/5:10, ప్రతిరోజు), 12728 హైదరాబాద్- విశాఖపట్నం గోదావరి ఎక్స్‌ప్రెస్ (సాయంత్రం 5:44/5:45, ప్రతిరోజు), 12776 లింగంపల్లి- కాకినాడ ఎక్స్‌ప్రెస్ (సాయంత్రం 7:55/7:56, వారానికి 3 రోజులు) కూడా చర్లపల్లిలో ఆగనున్నాయి.

ఇవి కాకుండా 12740 సికింద్రాబాద్- విశాఖపట్నం గరీబ్‌రథ్ ఎక్స్‌ప్రెస్ (రాత్రి 8:45/8:46, ప్రతిరోజు), 12738 లింగంపల్లి- కాకినాడ గౌతమి ఎక్స్‌ప్రెస్ (రాత్రి 9:29/9:30, ప్రతిరోజు), 12710 సికింద్రాబాద్ - గూడూరు సింహాపురి ఎక్స్‌ప్రెస్ (రాత్రి 10:20/10:21, ప్రతిరోజు) రైళ్లు కూడా చర్లపల్లి స్టేషన్ లో ఆగి వెళ్తాయి.

English summary

South Central Railway has permitted for temporary stoppage of the several trains at Charlapalli Station for a period of 14 days from January 7th in view of festive surge during Sankranthi festival and to manage Crowd at Secunderabad Station. ప్రస్తుతం సికింద్రాబాద్ రైల్వే స్టేషన్ లో ఆధునికీకరణ పనులు చురుగ్గా సాగుతున్న విషయం తెలిసిందే. అందుబాటులో ఉన్న చర్లపల్లి స్టేషన్ ను వినియోగించుకోనుంది