Ratan Tata: ఓఆర్ఆర్ అప్రోచ్ రోడ్డుకు రతన్ టాటా పేరు..!

ఇండియన్ బిసినెస్ లెజెండ్, గొప్ప మానవతావాది రతన్ టాటా మరణం దేశానికి తీరని లోటు. ఆయన మరణం పట్ల యావత్ దేశం దిగ్భ్రాంతి వ్యక్తం చేసింది. రతన్ టాటా గుర్తుగా తెలంగాణ ప్రభుత్వం కీలక నిర్ణయం తీసుకునే అవకాశం ఉంది. ఔటర్ రింగ్ రోడ్డు (ORR) అప్రోచ్ రోడ్డుకు ఆయన పేరు పెట్టే అవకాశం ఉంది. దాన్ని "రతన్ టాటా మార్గ్" పేర్కొనే అవకాశం ఉన్నట్లు తెలుస్తోంది. రతన్ టాటా మృతికి సంతాపం తెలిపిన రాష్ట్ర ఐటీ, పరిశ్రమల శాఖ మంత్రి డి.శ్రీధర్ బాబు అప్రోచ్ రోడ్డుకు రతన్ టాటా పేరు పెట్టే విషయమై పరిశీలిస్తున్నట్లు చెప్పారు.

హైదరాబాద్ లో ఏరోస్పేస్ రంగంలో టిసిఎస్ గణనీయమైన తోడ్పాటు అందించిందని అన్నారు. తెలంగాణలో పారిశ్రామిక పర్యావరణ వ్యవస్థ అభివృద్ధికి రతన్ టాటా చేసిన కృషిని మరిచిపోలేమని శ్రీధర్ బాబు గుర్తు చేశారు. గుజరాత్‌కు నానో కార్ల ప్రాజెక్టు నష్టంపై అప్పటి సిఎం డాక్టర్ వైఎస్ రాజశేఖర రెడ్డి రతన్ టాటాకు లేఖ రాశారని తెలిపారు. రాజశేఖర్ రెడ్డి లేటర్ కు సమాధానంగా హైదరాబాద్ కోసం తన మనసులో ఏదో పెద్దది ఉందని చెప్పారని గుర్తు చేశారు.

అదే ఆదిబట్లలోని టాటా అడ్వాన్స్‌డ్ సిస్టమ్స్ సికోర్స్కీ హెలికాప్టర్ ప్రాజెక్ట్ అని అన్నారు. అది నేడు గ్లోబల్ ఏరోస్పేస్ క్లస్టర్‌గా మారిందని పేర్కొన్నారు. "2008లో గుజరాత్‌కు నానో కార్ల ప్రాజెక్ట్‌తో నష్టం వచ్చింది. దీంతో అప్పటి సీఎం డాక్టర్ వైయస్ రాజశేఖర రెడ్డి రతన్ టాటాకు లేఖ రాశారు. లేఖకు బదులుగా.. హైదరాబాదు కోసం తన మనసులో ఏదో పెద్దది ఉందని, ఆ విధంగా ఆదిభట్లలో సికోర్స్కీ హెలికాప్టర్ ప్రాజెక్ట్ పుట్టిందని, టాటా అడ్వాన్స్ సిస్టమ్స్ యాంకర్ పరిశ్రమకు కృతజ్ఞతలు తెలుపుతూ నేడు గ్లోబల్ ఏరోస్పేస్ క్లస్టర్‌గా మారిందని ఆయన బదులిచ్చారు. ఆయన ORR వద్ద అభివృద్ధి కారణమయ్యాడు. ఓఆర్ఆర్ నుంచి ఆదిభట్ల వరకు ఉన్న అప్రోచ్ రోడ్డుకు రతన్ టాటా మార్గ్ అని పేరు పెట్టే అవకాశాన్ని పరిశీలించడం రతన్ టాటాకు ఘన నివాళిగా భావిస్తున్నాము. ఆయన మాకు ఎంతో స్ఫూర్తి" అని శ్రీధర్ బాబు చెప్పారు.

ఇదిలా ఉండగా ప్రముఖ రాజకీయ నేతలు, పరిశ్రమల సారధులు, ప్రముఖులు, సామాన్యులతో సహా వేలాది మంది ప్రముఖ వ్యాపార దిగ్గజానికి గురువారం అంతిమ యాత్ర సందర్భంగా కన్నీటి వీడ్కోలు పలికారు. సోమవారం బ్రీచ్ క్యాండీ చేరిన రతన్ టాటా బుధవారం తుది శ్వాస విడిచారు.

As we mourn the passing of Sri Ratan Tata , a true legend and doyen of Indian industry , we remember his outstanding contributions to the growth of high end manufacturing in Hyderabad, especially in the aerospace sector, apart from the significant presence of TCS and his…

— Sridhar Babu Duddilla (@OffDSB) October 10, 2024

English summary

Telangana is ready to pay tribute to industrial giant Ratan Tata. ORR is considering naming the approach road after Ratan Tata.