కల్వకుంట్ల కవిత కుమారుల పెద్ద మనసు

Updated: Monday, August 21, 2023, 8:23 [IST]

హైదరాబాద్: బీఆర్ఎస్ ఎమ్మెల్సీ కల్వకుంట్ల కవిత తనయులు ఆదిత్య, ఆర్య చిన్నవయస్సులోనే పెద్ద మనసు చాటుకున్నారు. సమాజ సేవ కోసం ఇటీవలే వారిద్దరూ కలిసి మొదలు పెట్టిన సినర్జీ ఆఫ్ మైండ్స్(SOM) ఫౌండేషన్ ద్వారా ఆడపిల్లల చదువుకు చేయూతనిచ్చారు.

హైదరాబాద్, బేగంపేటలోని సెయింట్ ఫ్రాన్సిస్ మహిళా కళాశాలలో అడ్మిషన్ లభించిన ఆర్థికంగా వెనుకబడిన పది మంది విద్యార్థినులకు ఫౌండేషన్ ద్వారా ఉపకార వేతనాలు అందజేశారు. పది మందిలో ఆరుగురు అండర్ గ్రాడ్యుయేట్, ముగ్గురు పోస్ట్ గ్రాడ్యుయేట్ విద్యార్థినులు ఉన్నారు.

కాలేజీలో ఎమ్మెల్సీ కవిత, కాలేజీ ప్రతినిధుల సమక్షంలో ఆదివారం విద్యార్థినులకు స్కాలర్ షిప్పులకు ఆదిత్య, ఆర్య పంపిణీ చేశారు. తన కుమారులు ఇద్దరూ ఫౌండేషన్‌ను స్థాపించి విద్యార్థులకు చేయూత అందించడం సంతోషంగా ఉందన్నారు కవిత. చిన్న వయసులోనే వాళ్లు గొప్పగా ఆలోచించడం తల్లిగా గర్వపడుతున్నానని చెప్పారు.

మహిళా సాధికారతకు తాము ఎప్పుడూ మద్దతు ఇస్తామని చెప్పారు. భవిష్యత్తులోనూ ఫౌండేషన్‌ ద్వారా మరిన్ని కార్యక్రమాలు చేపట్టి మంచి పేరు తెచ్చుకోవాలని కవిత ఆకాంక్షించారు. స్కాలర్‌షిప్స్‌ అందుకున్న విద్యార్థులను ఆమె అభినందించారు.కాలేజీలో పదేళ్లపాటు స్కాలర్ సిప్పులు ఇచ్చేందుకు ఫౌండేషన్ కాలేజీలతో ఒప్పందం చేసుకుంది.

Most cliched line probably from a parent but here we go

Can’t believe this Boy who was a naughty little kid till yesterday is all grown up and now off to College!! As he goes, he’s taking a part of me with him ❤️

Daddy duties; off to the US with family for over a week where I… pic.twitter.com/7k3G9oEi0u
— KTR (@KTRBRS) August 19, 2023

ఇది ఇలావుండగా, తెలంగాణ మంత్రి కేటీఆర్ మరోసారి పుత్రోత్సాహాన్ని ప్రదర్శించారు. బాల్యం నుంచి ఇప్పటివరకు తనయుడు హిమాన్షు ఫొటోలను సోషల్ మీడియాలో పంచుకున్నారు. బిడ్డ పుట్టినప్పటి నుంచి ఎదిగేవరకు ప్రతి తండ్రి ఇలాగే ఫొటోలు తీస్తుంటాడని వెల్లడించారు.

'నిన్న మొన్నటిదాకా అల్లరి గడుగ్గాయిలా ఉన్న పిల్లవాడు ఇప్పుడు పెద్దవాడై కాలేజీకి వెళుతున్నాడంటే నమ్మలేకపోతున్నాను. హిమాన్షు ఎదిగే కొద్దీ నాలో ఒక భాగంలా మారిపోతున్నాడు' అని వెల్లడించారు. అంతేకాదు, కుటుంబంతో కలిసి అమెరికా టూర్ వెళుతున్నానని, కుటుంబ పెద్దగా నిర్వర్తించాల్సిన విధుల్లో ఇదొకటని కేటీఆర్ పేర్కొన్నారు. ఈ పర్యటన వారం రోజులు ఉంటుందని, ఈ విహారయాత్రలో భాగంగానే కొన్ని అధికారిక పనులు కూడా నిర్వర్తించాల్సి ఉందని వెల్లడించారు.