పవన్ భూముల వివాదం- కవిత సంచలనం..!!
కల్వకుంట్ల కవిత కీలక వ్యాఖ్యలు చేసారు. ఏపీ డిప్యూటీ సీఎం పవన్ ను టార్గెట్ చేసారు. తాజాగా పవన్ చేసిన వ్యాఖ్యల పై ఘాటుగా స్పందించారు. తెలంగాణ పవన్ జాగీరు కాదని స్పష్టం చేసారు. వివాదాస్పదంగా మారిన కోడి చెరువు భూముల వ్యవహారంలోనూ కవిత కీలక వ్యాఖ్యలు చేసారు. ఆ భూములను వెంటనే ప్రభుత్వానికి అప్పగించాలని పవన్ ను కవిత డిమాండ్ చేయటం సంచలనంగా మారుతోంది.
తెలంగాణ రక్షణ సేన అధ్యక్షురాలు కల్వకుంట్ల కవిత కీలక డిమాండ్ చేసారు. పవన్ పైన తాజాగా చెలరేగిన వివాదం.. భూముల అంశం పైనా స్పందించారు. తెలంగాణ బరాబర్ ప్రజల జాగీరే అని.. పవన్ కల్యాణ్ జాగీర్ కాదని కవిత స్పష్టం చేశారు. ఆంధ్రా విషకోరల నుంచి తెలంగాణను కాపాడుకున్నామన్నారు. ఇక్కడకు వచ్చి రాజకీయం చేస్తామంటే చూస్తూ ఊరుకోమని హెచ్చరించారు. పవన్కు మద్దతు ఇస్తే నాలుగు ఓట్లు వస్తాయని బీజేపీ భావిస్తోందని.. వచ్చే ఎన్నికల్లో బీజేపీకి ఉన్న 8 సీట్లు పోతాయన్నారు. పవన్ కల్యాణ్ 10 ఎకరాలు శిఖం భూమిని కొనుగోలు చేశారని.. కోడికుంట సర్వే నంబర్ 706లో శిఖం భూమి ఉందన్నారు. రిజిస్ట్రేషన్ సమయంలో అనేక తప్పులు జరిగాయని.. ఆ భూమిని పవన్ తిరిగి ఇచ్చేయాలని సూచించారు. శిఖం భూమిలో వేసిన కంచెను పవన్ తొలగించాలని కవిత డిమాండ్ చేశారు.
కవిత తాజా డిమాండ్ తో
కోడికుంట' చెరువు పరిధిలో పవన్ కళ్యాణ్ కొన్న 10 ఎకరాల భూమి పూర్తిగా "శిఖం భూమి" అని ఇరిగేషన్ రికార్డులు స్పష్టంగా చెప్తున్నాయని వెల్లడించారు. "శిఖం భూమి అయితే ప్రభుత్వానికి ఇచ్చేస్తానని పవన్ గతంలో అన్నారు.. మరి ఇప్పుడు ఆ మాటపై నిలబడాలని సూచించారు. ఇక, రూ.లక్ష కోట్ల ప్రభుత్వ భూమిని రేవంత్ రెడ్డి సర్కార్ పెద్దలకు అప్పగిస్తోందని ఆగ్రహం వ్యక్తం చేసారు. సీఎం కుటుంబ సభ్యులు, ప్రభుత్వ పెద్దలు, కాంగ్రెస్ ఎంపీలు, ఎమ్మెల్యేలు భూదందా లో ఉన్నారని ఆరోపించారు. ప్రభుత్వ భూములను సుప్రీంకోర్టు వరకు వెళ్లి కాపాడుతామని స్పష్టం చేశారు. హైడ్రా..పేదల కాలనీల్లో దాడులు చేసి ఆ భూములను పెద్దలకు అప్పగిస్తోందని మండిపడ్డారు. శ్రీఆదిత్య కంపెనీ రివర్ బెడ్పైన ప్రాజెక్టు కడుతోందని.. ఆ కంపెనీ వెనుక ఓ ఎంపీ ఉన్నారన్నారు. శ్రీ ఆదిత్య కంపెనీకి బీఆర్ఎస్ హయాంలోనే పర్మిషన్ ఇచ్చారని.. దాన్ని ముట్టుకునే దమ్ము ప్రభుత్వానికి ఉందా అని ప్రశ్నించారు.
Click it and Unblock the Notifications
Sign in with Google