ఫిబ్రవరి 17న కేసీఆర్ పుట్టిన రోజు, కార్యకర్తలకు కేటీఆర్ కండిషన్స్!!

హైదరాబాద్: తెలంగాణ రాష్ట్ర సమితి అధ్యక్షులు (తెరాస), ముఖ్యమంత్రి కల్వకుంట్ల చంద్రశేఖర రావు పుట్టిన రోజు సందర్భంగా మాజీ మంత్రి, ఆ పార్టీ వర్కింగ్ ప్రెసిడెంట్ ఆయన అభిమానులు, కార్యకర్తలకు ఓ సూచన చేశారు. ఈ నెల 17వ తేదీన కేసీఆర్ పుట్టిన రోజు. ఆయన పుట్టిన రోజు అంటే ఆ పార్టీ కార్యకర్తలు, అభిమానులకు పండుగే.

ఆయన ఫ్లెక్సీలు కట్టి, పోస్టర్లు వేసి, స్వీట్లు పంచుకొని, కేక్ కట్ చేసి సంబరాలు చేసుకుంటారు. అయితే, తాజాగా, కేటీఆర్ వారికి ఓ సూచన చేశారు. పార్టీ ప్రజాప్రతినిధులకు, నాయకులకు, కార్యకర్తలకు కేటీఆర్ విజ్ఞప్తి చేశారు.

ఈ నెల 17వ తేదీన కేసీఆర్ పుట్టినరోజు సందర్భంగా పత్రికా ప్రకటనలు, ఫ్లెక్సీలు, హోర్డింగులు పెట్టవద్దని కేటీఆర్ కోరారు. ప్లెక్సీలు, బొకేల కోసం వృథా ఖర్చు చేయవద్దని తెలిపారు. ఈ సందర్భంగా ప్రతి ఒక్కరు పెద్ద సంఖ్యలో మొక్కలు నాటాలని సామాజిక అనుసంధాన వేదిక ట్విట్టర్ ద్వారా కోరారు.

English summary

TRS working president KT Rama Rao has urged the party leaders and workers not to spend money on banners and advertisements on Chief Minister K Chandrasekhar Rao's birthday on February 17. He instead asked them to plant a sapling to extend affection to KCR.