'జై' వస్తున్నాడా.. ఆందోళన వద్దు, జూ.ఎన్టీఆర్ నా స్నేహితుడే: కేటీఆర్ సరదాగా
తెలంగాణ రాష్ట్ర ఐటీ శాఖ మంత్రి కల్వకుంట్ల తారక రామారావు సామాజిక అనుసంధాన వేదిక ట్విట్టర్లో ఇచ్చిన సరదా సమాధానం అందరినీ ఆకట్టుకుంటుంది.
హైదరాబాద్: తెలంగాణ రాష్ట్ర ఐటీ శాఖ మంత్రి కల్వకుంట్ల తారక రామారావు సామాజిక అనుసంధాన వేదిక ట్విట్టర్లో ఇచ్చిన సరదా సమాధానం అందరినీ ఆకట్టుకుంటుంది.
రావణుడి పైకి రాముడి బాణం.. కేటీఆర్ పోస్ట్
రెండు రోజుల క్రితం దసరా పర్వదినం సందర్భంగా కేటీఆర్ ట్విట్టర్ ద్వారా శుభాకాంక్షలు తెలిపారు. ఈ సందర్భంగా రావణుడి పైకి శ్రీరాముడు బాణం వేస్తున్నట్లుగా ఉన్న ఫోటోను పెట్టారు.
జై వస్తున్నాడు జాగ్రత్త
దీనిపై ఓ నెటిజన్ కేటీఆర్! సర్ జాగ్రత్త 'జై' వస్తున్నాడు అని సరదాగా పోస్ట్ పెట్టాడు. ఇటీవల నటుడు జూనియర్ ఎన్టీఆర్ త్రిపాత్రాభినేయంతో జై లవ కుశ సినిమా విడుదలైన విషయం తెలిసిందే.
కేటీఆర్ పోస్టుకు సరదాగా
ఈ సినిమాలో జై పాత్రధారి.. రావణాసురుడిని దహనం చేస్తుంటే ఆపుతాడు. ఈ నేపథ్యంలో సదరు నెటిజన్.. కేటీఆర్ పెట్టిన రావణ దహనం పోస్టుకు సరదాగా జై వస్తున్నాడు అని పెట్టాడు.
ఎన్టీఆర్ నాకు స్నేహితుడు.. ఆందోళన వద్దు
దీనిపై కేటీఆర్ కూడా అంతే సరదాగా స్పందించారు. సోదరా.. ఆందోళన అవసరం లేదని చెబుతూ.. తారక్ (ఎన్టీఆర్) తనకు మంచి స్నేహితుడు అని, ఆయన 'జై' గురించి చూసుకుంటాడని పేర్కొన్నారు.