Tours: టూర్లకు వెళ్తోన్న మంత్రులు, ఎమ్మెల్యేలు..

లోక్ సభ ఎన్నికలు ముగియడంతో పలువురు మంత్రులు, ఎమ్మెల్యేలు, ఎంపీ అభ్యర్థులు టూర్లకు వెళ్తున్నారు. ఎన్నికల్లో బిజీగా గడిపిన వారు ప్రశాంతత కోసం విహార యాత్ర, తీర్థయాత్రలకు వెళ్తోన్నారు. కుటుంబంతో కలిసి హాయ్ గా గడిపేందుకు ప్లాన్ చేస్తున్నారు. ఎన్నికల ఫలితాలకు దాదాపు 20 రోజులు ఉండడంతో సరదాగా గడిపేందుకు ఇంట్రెస్ట్ చూపుతున్నారు. మరి కొందరు దైవ దర్శనానికి వెళ్తోన్నారు. మంత్రి పొంగులేటి మంగళవారం శబరిమలై వెళ్లారు.

మంత్రితో పాటు ఎమ్మెల్యేలు తెల్లం వెంకట్రావు, ఆదినారాయణ, పాయం వెంకటేశ్వర్లు కూడా శబరిమలై బయల్దేరారు. వీరంతా ఎక్కిన ఇండిగో విమానం సాంకేతిక లోపంతో గంటకు పైగా ఎయిర్ పోర్టులో నిలిచిపోయింది. దీంతో ప్రయాణికులు ఇబ్బంది బడ్డారు. రవాణా శాఖమంత్రి పొన్నం ప్రభాకర్ తన కుమారుడి గ్రాడ్యుయేషన్ డే సందర్భంగా మంగళవారం అమెరికాకు వెళ్లారు.

బీజేపీ జాతీయ ప్రధాన కార్యదర్శి, కరీంనగర్ బీజేపీ అభ్యర్థి బండి సంజయ్ మంగళవారం సరదాగా గడిపారు. యాక్టివ బండిపై అల్లుడిని ఎక్కించుకుని నగరంలో తిరిగారు. ఓ బేకరికి వెళ్లారు. చాలా మంది అభిమానులు బండితో కలిసి ఫొటో దిగారు. ఇందుకు సంబంధించిన వీడియో సోషల్ మీడియాలో వైరల్ అవుతోంది. చేవేళ్ల బీజేపీ ఎంపీ కొండా విశ్వేశ్వర్ రెడ్డి తన బంధువులు, పిల్లలతో సరదాగా గడిపారు. మెదక్ ఎంపీ అభ్యర్థి నీలం మధు ముదిరాజ్ తన ఫ్యామిలీతో కలిసి తిరుపతి వెళ్లనున్నారు.

ఎన్నికల ఫలితాలకు రెండు మూడు రోజుల ముందు మళ్లీ స్వస్థలాలకు చేరుకునే అవకాశం ఉంది. అటు ఏపీ సీఎం జగన్ దంపతులు తమ కూతురిని చూడడానికి లండన్ వెళ్లనున్నారు. ఫలితాల నాటికి తిరిగి రానున్నారు.

English summary

Many ministers and MLAs from Telugu states are going on tours. Will return to the states till the results.