మరో వివాదంలో పాడి కౌశిక్ రెడ్డి: యాదాద్రిలో భార్య, కూతురుతో కలిసి రీల్స్!

బీఆర్ఎస్ నేత, హుజూరాబాద్ ఎమ్మెల్యే పాడి కౌశిక్ రెడ్డి మరో వివాదంలో చిక్కుకున్నారు. గతంలో మహిళా గవర్నర్‌పై అనుచిత వ్యాఖ్యలు చేసిన పాడి కౌశిక్ రెడ్డి.. ఇటీవల అరెకపూడి గాంధీకి సవాల్ విసిరి ఆ తర్వాత పరిణామాలతో తెలుగు రాష్ట్రాల్లో సంచలనంగా మారారు. తాజాగా, తెలంగాణలోని ప్రముఖ పుణ్యక్షేత్రం యాదాద్రి ఆలయం ఆవరణలో రీల్స్ చేసి మరో వివాదానికి తెరతీశారు.

యాదాద్రి లక్ష్మీ నరసింహ స్వామి ఆలయంలో కౌశిక్ రెడ్డి తన సతీమణి, కుమార్తెతో కలిసి రీల్స్‌ చేసిన వీడియోలు సోషల్ మీడియాల్లో పంచుకోవడం వివాదానికి దారి తీసింది. బీఆర్ఎస్ ఎమ్మెల్యే పాడి కౌశిక్‌ రెడ్డి ఎక్స్‌ వేదికగా ఈ పోస్టులు చేశారు. దీంట్లో తన సతీమణి శాలిని పుట్టిన రోజు సందర్భంగా పోస్టు చేసిన వీడియో వివాదానికి తెరతీసింది.

ఆ వీడియోలో తన సతీమణి శాలినితో కలిసి యాదాద్రి ఆలయంలో రీల్స్ చేశారు. ఆ తర్వాత అక్టోబర్ 3వ తేదీన తన కుమార్తె శ్రీనిక జన్మదినం సందర్భంగా ఎమ్మెల్యే కౌశిక్ రెడ్డి కొన్ని ఫొటోలు, వీడియోలు సోషల్ మీడియాలో పోస్ట్ చేశారు. ఇవి కూడా యాదాద్రి క్షేత్రం వద్ద తీసినవే కావడం గమనార్హం.

On the day you were born,
the world became a little brighter. Watching you grow has been the greatest joy, and every moment with you is cherishable.
No matter how the day goes, as soon as I see your beautiful smile, I count my blessings to have you.
Here’s to another… pic.twitter.com/gUEAHf88OQ

— Padi Kaushik Reddy (@KaushikReddyBRS) October 7, 2024

యాదాద్రి ఆలయ మాఢ వీధుల్లో తిరుగుతూ తన కుమార్తె శ్రీనికతో కౌశిక్ రెడ్డి రీల్స్ చేయించారు. ఒక ఎమ్మెల్యేగా బాధ్యతాయుత పదవిలో ఉన్న కౌశిక్ రెడ్డి.. ఆలయ క్షేత్రంలో ఇలా రీల్స్ చేయడం సరికాదని పలువురు నెటిజన్లు హితవు పలుకుతున్నారు. వీడియో చూస్తే కౌశిక్ రెడ్డి ప్రత్యేకంగా రీల్స్ కోసమే ఆలయాన్ని సందర్శించినట్లు తెలుస్తోంది. వారు రీల్స్ చేసేటప్పుడు భక్తులు ఎవరూ కనిపించకపోవడం గమనార్హం.

Happy birthday to Shalini! Every moment spent with you is special, and your happiness means everything to me✨🎂 pic.twitter.com/NFxA5UknpR

— Padi Kaushik Reddy (@KaushikReddyBRS) October 20, 2024

కాగా, ప్రస్తుతం వివాదంగా మారిన ఈ రీల్స్ వ్యహారం​పై ఆలయ పాలక మండలి స్పందించలేదు. ఈ విషయంపై ఆలయ ఈవో భాస్కర్ రావును వివరణ ఇస్తూ.. ఎమ్మెల్యే పాడి కౌశిక్ రెడ్డి ఆలయంలో చిత్రీకరణ కోసం అనుమతి కోరారని, అయితే, తాము అనుమతి ఇవ్వలేదని స్పష్టం చేశారు. ఆలయ బయటి ప్రాంగణంలో తీసుకోవచ్చని తెలియజేసినట్లు తెలిపారు.

English summary

MLA Kaushik Reddy in another controversy: Reels with his wife and daughter in Yadadri.