కుక్కను మించిన విశ్వాసం చూపుతున్న కోడిపుంజు

కుక్క విశ్వాసం గల జంతువు.అయితే కుక్కే కాదు ఓ కోడిపుంజు కూడ తన యజమానికి విశ్వాసంగా ఉంటోంది. కొత్త వ్యక్తులు కన్పిస్తే చాలు వారిపై దాడి చేస్తోంది కోడిపుంజు.

By Narsimha

Published: Friday, April 7, 2017, 2:27 [IST]

:కుక్క విశ్వాసం గల జంతువు.అయితే కుక్కే కాదు ఓ కోడిపుంజు కూడ తన యజమానికి విశ్వాసంగా ఉంటోంది. కొత్త వ్యక్తులు కన్పిస్తే చాలు వారిపై దాడి చేస్తోంది కోడిపుంజు.

సూర్యాపేట జిల్లా అర్వపల్లి మండలంలోని కొమ్మాల గ్రామానికి చెందిన సర్పంచ్ కుంట్ల సురేందర్ రెడ్డి తన వ్యవసాయబావి వద్ద ఓ కోడిపుంజును పెంచుతున్నాడు.

అయితే ఈ కోడిపుంజు ఆరున్నర కిలోల బరువుంటుంది.ఈ బావి వద్దకు కొత్త వ్యక్తులు వస్తే వెంటపడి పొడుస్తోంది ఈ కోడిపుంజు. తన యజమాని కుటుంబసభ్యులు మినహ కొత్తవారెవ్వరూ ఈ పరిసర ప్రాంతాలకు వచ్చినా కోడిపుంజు దాడికి గురికావాల్సిందే.

ఈ బావి వద్దకు కొత్తవారు వస్తే కోడిపుంజును దూరంగా తీసుకెళ్తారు కుటుంబసభ్యులు.అందుకే ఈ బావి వద్దకు వెళ్ళాలంటే జంకుతారు స్థానికులు.ఈ కోడిని సురేందర్ రెడ్డి కుటుంబసభ్యులు కూడ జాగ్రత్తగా చూసుకొంటారు.

Published On April 7, 2017