కేసీఆర్‌ను కలిసిన మోత్కుపల్లి: విషయమేంటా? అని షాకయ్యారు!..

మోత్కుపల్లి కేసీఆర్ తో భేటీ అయ్యారు అనగానే.. చాలామంది ఆశ్చర్యపోవడం ఖాయం. అయితే రాజకీయాలను పక్కనబెట్టి, తన కుమార్తె వివాహానికి ఆహ్వానించడానికి మోత్కుపల్లి కేసీఆర్ వద్దకు వెళ్లారు.

Updated: Friday, March 10, 2017, 17:17 [IST]

హైదరాబాద్: తెలంగాణ సీఎం కేసీఆర్ పేరెత్తితే చాలు.. అంతెత్తున లేచే టీ-టీడీపీ సీనియర్ నేత మోత్కుపల్లి నరసింహులు తాజాగా ఆయనతో భేటీ అవడం హాట్ టాపిక్‌గా మారింది. రాజకీయంగా.. సందర్బం వచ్చిన ప్రతీసారి కేసీఆర్ పై మోత్కుపల్లి తీవ్ర స్థాయిలో విరుచుకుపడుతుంటారు.

అలాంటి మోత్కుపల్లి కేసీఆర్ తో భేటీ అయ్యారు అనగానే.. చాలామంది ఆశ్చర్యపోవడం ఖాయం. అయితే రాజకీయాలను పక్కనబెట్టి, తన కుమార్తె వివాహానికి ఆహ్వానించడానికి మోత్కుపల్లి కేసీఆర్ వద్దకు వెళ్లారు. మోత్కుపల్లి కేసీఆర్ వద్దకు రాగానే.. ఆయన్ను అక్కడ చూసినవారంతా షాక్ తిన్నట్లుగా తెలుస్తోంది.

తీరా అసలు విషయం తెలిసిన తర్వాత.. 'ఎంతైనా ఇద్దరూ ఒకప్పటి మిత్రులే కదా!' అంటూ నవ్వుకున్నారట. తన కుమార్తె పెళ్లికి రావాల్సిందిగా కేసీఆర్ ను కోరిన మోత్కుపల్లి.. ఆయనకు ఆహ్వాన పత్రికను అందజేశారు. ఏదేమైనా రాజకీయాల్లో ప్రత్యర్థులుగా ఉండవచ్చు గానీ వ్యక్తిగత విషయాల్లో చాలామంది నేతలు ఎలాంటి భేషజాలకు పోకపోవడం చాలాసార్లు మనం గమనిస్తూనే ఉన్నాం.