అమెరికాలో.. తెలుగు వైద్యుడు అచ్యుతరెడ్డి దారుణహత్య
నల్లగొండ జిల్లా మిర్యాలగూడకు చెందిన సైకియాట్రిక్(మనోరోగ) వైద్యుడు అచ్యుతరెడ్డి అమెరికాలో దారుణ హత్యకు గురయ్యారు. ఆయన తన సొంత క్లినిక్లోనే ఓ దుండగుడి చేతిలో కత్తిపోట్లకు గురై మరణించారు.
Recommended Video
హైదరాబాద్: నల్లగొండ జిల్లా మిర్యాలగూడకు చెందిన సైకియాట్రిక్(మనోరోగ) వైద్యుడు అచ్యుతరెడ్డి అమెరికాలో దారుణ హత్యకు గురయ్యారు. అచ్యుతరెడ్డి కాన్సాస్ రాష్ట్రంలోని విచితలో హోలిస్టిక్ క్లినిక్ను నడుపుతున్నారు.
ఆయన తన సొంత క్లినిక్లోనే ఓ దుండగుడి చేతిలో కత్తిపోట్లకు గురై మరణించారు. ఈ ఘటన గత బుధవారం రాత్రి చోటుచేసుకుంది. నిందితుడిని పోలీసులు అరెస్టు చేశారు.
అచ్యుతరెడ్డి ఉస్మానియా మెడికల్ కాలేజీ నుంచి 1986లో వైద్యవిద్యను పూర్తిచేశారు. 1989 నుంచి విచితలో ప్రాక్టిస్ చేస్తున్నారు. అదేవిధంగా విచితలోనే హోలిస్టిక్ సైకియాట్రిక్ సర్వీస్ను ఆయన నడుపుతున్నారు.
కేసుకు సంబంధించి స్థానిక పోలీసులు తెలిపిన వివరాల ప్రకారం.. ఓ వ్యక్తి క్లినిక్ కు వచ్చి డాక్టర్ అచ్యుతరెడ్డితో వాగ్వాదం పెట్టుకున్నాడు. ఆ క్రమంలో ఒక్కసారిగా కత్తి తీసి పలుమార్లు ఆయన్ని పొడిచాడు. దీంతో డాక్టర్ అచ్యుతరెడ్డి అక్కడికక్కడే మృతిచెందారు.
ఈ ఘటన జరిగిన కొద్ది సమయంలోనే నిందితుడిని స్థానిక కంట్రీ క్లబ్ వద్ద అరెస్ట్ చేసినట్లు పోలీసులు తెలిపారు. హత్య చేసిన వ్యక్తి గుర్తింపుతోపాటు నిందితుడు డాక్టర్ అచ్యుతరెడ్డితో ఏ విషయంలో వాగ్వాదం పెట్టుకున్నాడో తెలియాల్సి ఉందని వారు పేర్కొన్నారు.
Click it and Unblock the Notifications
Sign in with Google